លោកវេជ្ជបណ្ឌិត ពិន សេរីវឌ្ឍនៈ អនុប្រធានមន្ទីរពេទ្យបង្អែកខេត្តកោះកុង និងជាប្រធានក្រុមការងារថែទាំទារកទើបកើតជាសារវ័ន្ត (EENC-HCT) បានដឹកនាំក្រុមការងារប្រជុំពិភាក្សាពិនិត្យមើលលទ្ធដែលបានសំរេចនាពេលកន្លងមក ការងារកំពុងអនុវត្តនាពេលបច្ចុប្បន្ន ផែនការសកម្មភាព និងគោលដៅថ្ងៃមុខដើម្បីធ្វើឱ្យមន្ទីរពេទ្យបង្អែកខេត្តកោះកុងក្លាយជា មន្ទីរពេទ្យដែលពុំមានប្រើប្រាស់ និងលក់ផលិតផលទឹកដោះគោ (មន្ទីរពេទ្យស្រឡាញ់ទារក) ។

ថ្ងៃពុធ ៣កើត ខែផល្គុន ឆ្នាំ ចត្វាស័ក ពុទ្ធសករាជ២៥៦៦ ត្រូវនឹងថ្ងៃទី២២ ខែកុម្ភៈ ឆ្នាំ២០២៣

នៅព្រឺកថ្ងៃពុធ ៣កើត ខែផល្គុន ឆ្នាំ ចត្វាស័ក ពុទ្ធសករាជ២៥៦៦ ត្រូវនឹងថ្ងៃទី២២ ខែកុម្ភៈ ឆ្នាំ២០២៣ លោកវេជ្ជបណ្ឌិត ពិន សេរីវឌ្ឍនៈ អនុប្រធានមន្ទីរពេទ្យបង្អែកខេត្តកោះកុង និងជាប្រធានក្រុមការងារថែទាំទារកទើបកើតជាសារវ័ន្ត (EENC-HCT) បានដឹកនាំក្រុមការងារប្រជុំពិភាក្សាពិនិត្យមើលលទ្ធដែលបានសំរេចនាពេលកន្លងមក ការងារកំពុងអនុវត្តនាពេលបច្ចុប្បន្ន ផែនការសកម្មភាព និងគោលដៅថ្ងៃមុខដើម្បីធ្វើឱ្យមន្ទីរពេទ្យបង្អែកខេត្តកោះកុងក្លាយជា មន្ទីរពេទ្យដែលពុំមានប្រើប្រាស់ និងលក់ផលិតផលទឹកដោះគោ (មន្ទីរពេទ្យស្រឡាញ់ទារក) ។ ក្នុងកិច្ចប្រជុំនេះលោកវេជ្ជបណ្ឌិត ពិន សេរីវឌ្ឍនៈ ក៏បានធ្វើបទបង្ហាញស្តីអំពី លទ្ធផលដែលក្រុមការងារសម្រេចបានកន្លងមក ផែនការសកម្មភាព និងគោលដៅសម្រាប់ឆ្នាំ២០២៣ នេះ។ លោកស្រី ចែម ច័ន្ទសុខា នាយសាលផ្នែកសម្ភព និងរោគស្ត្រី ក៏បានធ្វើបទបង្ហាញស្តីអំពី ជំហ៊ានទាំង១០ ដើម្បីទទួលបានជោគជ័យក្នុងការបំបៅកូនដោយទឹកដោះម្តាយ ។