រដ្ឋបាលខេត្តកោះកុង

លោក សុខ សុទ្ធី អភិបាលរង នៃគណៈអភិបាលខេត្តកោះកុង បានអញ្ជើញចូលរួមជាគណៈអធិបតី ក្នុងកិច្ចប្រជុំអប់រំផ្សព្វផ្សាយខ្លឹមសារ សេចក្តីប្រកាសព័ត៌មាន របស់ក្រសួងរៀបចំដែនដីនគរូបនីយកម្ម និងសំណង់ចុះថ្ងៃចន្ទ ៩រោច ខែមាឃ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៧ ខែកុម្ភៈ ឆ្នាំ២០២០ ជូនដល់ប្រជាពលរដ្ឋ ១៥ គ្រួសារ ដែលមានតំណាងដោយឈ្មេាះ ផាវ ញើង ក្រុមប្រជាពលរដ្ឋ ៧៣០ គ្រួសារ ដែលទាមទារសុំដីសម្បទានសង្គមកិច្ច និងក្រុមប្រជាពលរដ្ឋ ១៩៧ គ្រួសារ ប្តឹងទាមទារដីពីលោក ហេង ហ៊ុយ ព្រមទាំងប្រជាពលរដ្ឋផ្សេងទៀត នៅសាលាស្រុកស្រែអំបិល ដោយមានការចូលពីអាជ្ញាធរស្រុក ឃុំពាក់ព័ន្ធ តំណាងមន្ទីរ អង្គភាពជំនាញពាក់ព័ន្ធ សរុប ២៥ នាក់ និងមេភូមិ តំណាងប្រជាពលរដ្ឋ ព្រមទាំងប្រជាពលរដ្ឋ សរុបប្រមាណ ៦០០ នាក់។