រដ្ឋបាលខេត្តកោះកុង

លោក ក្រូច បូរីសីហា អភិបាល នៃគណៈអភិបាលស្រុកបូទុមសាគរ អញ្ជើញជាអធិបតី ក្នុងពិធីជួបសំណេះសំណាលជាមួយយុវតីឈ្មោះ សុចិត្រ សិរីវឌ្ឍនា ជាសិស្សថ្នាក់ទី៩A  នៃសាលាវិទ្យាល័យបូទុមសាគរ ដើម្បីឆ្លើយតបតាមការសន្យាចំពោះសិស្សានុសិស្ស ដែលខិតខំប្រឹងប្រែងរៀនសូត្រ គោរពវិន័យ ស្ដាប់ដំបូន្មាន លោកគ្រូ អ្នកគ្រូ ហើយទទួលបានលទ្ធផលល្អប្រចាំសាលានៅកម្រិតថ្នាក់មធ្យមសិក្សាបឋមភូមិ(ថ្នាក់ទី៩ ឡើងថ្នាក់ទី១០)ក្នុងឆ្នាំសិក្សា២០២១ -២០២២ ដែលមានពិន្ទុខ្ពស់ជាងគេប្រចាំសាលា។ នៅក្នុងពិធីសំណេះសំណាលនោះដែរ លោកអភិបាលស្រុក បានប្រគល់នូវរង្វាន់លើកទឹកចិត្តជូនយុវតី សុចិត្រ សិរីវឌ្ឍនានូវកុំព្យូទ័រយួរដៃមួយគ្រឿង និងជម្រុញឱ្យប្អូនខិតខំរៀនសូត្របន្ថែមដើម្បីទទួលបាននូវលទ្ធផលល្អៗបន្ថែមទៀត ក្នុងពិធីសំណេះសំណាលនោះដែរមានការចូលរួមពី ប្រធានការិយាល័យ អប់រំ យុវជន និងកីឡា លោកនាយករងវិទ្យាល័យបូទុមសាគរតំណាងអាណាព្យាបាលសិស្ស នៅសាលាប្រជុំ(ក) សាលាស្រុកបូទុមសាគរ។

ប្រភពៈរដ្ឋបាលស្រុកបូទុមសាគរ

===================

ថ្ងៃពុធ ១៣ កើត ខែបុស្ស ឆ្នាំខាល

ចត្វាស័ក ពុទ្ធសករាជ ២៥៦៦

ត្រូវនឹងថ្ងៃទី៤ ខែមករា ឆ្នាំ២០២៣

ខែមករា 4, 2023