ក្រៅពីការថែទាំ-ព្យាបាលរបស់មន្ត្រីបុគ្គលិកសុខាភិបាល ការអប់រំសុខភាពឱ្យប្រជាពលរដ្ឋយល់ដឹងអំពីការបង្ការជំងឺ គឺជាចំណុចដ៏សំខាន់ ដើម្បីឱ្យពួកគាត់ដឹងអំពីវិធីបង្ការជំងឺមួយចំនួន យល់ដឹងពីរោគសញ្ញាជំងឺមួយចំនួន និងអាចថែទាំសុខភាពបឋមនៅផ្ទះដោយខ្លួនឯង និងមកទទួលការថែទាំ ព្យាបាលបានទាន់ពេលវេលា ដែលនេះជាការចូលរួមចំណែកលើកកម្ពស់សុខុមាលភាពប្រជាពលរដ្ឋ កាត់បន្ថយអត្រាជំងឺ និងអត្រាឈានទៅរកភាពធ្ងន់នៃជំងឺ ដូចពាក្យស្លោកមួយបានពោលថា" ការពារប្រសើរជាងព្យាល" ។ ទាំងនេះគឺជាចំណុចមួយនៃបេសកកម្ម របស់មន្ទីរពេទ្យបង្អែកខេត្តកោះកុង ដែលមន្ត្រី-បុគ្គលិកមន្ទីរពេទ្យបាន និងកំពុងបន្តអនុវត្តជាប្រចាំ ។
ថ្ងៃចន្ទ ១១រោច ខែមិគសិរ ឆ្នាំខាល ចត្វាស័ក ពុទ្ធសរាជ ២៥៦៦ ត្រូវនឹងថ្ងៃទី១៩ ខែវិច្ឆិកា ឆ្នាំ២០២២
