កិច្ចប្រជុំក្រុមការងារសម្របសម្រួលឯកសារជូនក្រុមប្រឹក្សាខេត្ត ដើម្បីត្រៀមដាក់ឆ្លងក្រុមប្រឹក្សា ពិនិត្យ និងអនុម័ត ក្នុងកិច្ចប្រជុំសាមញ្ញរបស់ក្រុមប្រឹក្សាខេត្ត និងត្រៀមរៀបចំសន្និបាតបូកសរុបលទ្ធផលការងាររដ្ឋបាលខេត្តប្រចាំឆ្នាំ២០១៩ និងទិសដៅការងារឆ្នាំ២០២០។

កាលពីរសៀលថ្ងៃទី៣១ ខែមករា ឆ្នាំ២០២០ នៅសាលប្រជុំ(ក)សាលាខេត្តកោះកុង លោក លឹម សាវាន់ នាយករដ្ឋបាលសាលាខេត្ត បានអញ្ជើញដឹកនាំ កិច្ចប្រជុំក្រុមការងារសម្របសម្រួលឯកសារជូនក្រុមប្រឹក្សាខេត្ត ដើម្បីត្រៀមដាក់ឆ្លងក្រុមប្រឹក្សា ពិនិត្យ និងអនុម័ត ក្នុងកិច្ចប្រជុំសាមញ្ញរបស់ក្រុមប្រឹក្សាខេត្ត និងត្រៀមរៀបចំសន្និបាតបូកសរុបលទ្ធផលការងាររដ្ឋបាលខេត្តប្រចាំឆ្នាំ២០១៩ និងទិសដៅការងារឆ្នាំ២០២០។

លោកនាយករដ្ឋបាល បានលេីកឡេីងថា កិច្ចប្រជុំនាពេលនេះធ្វេីឡេីង ដេីម្បីត្រួតពិនិត្យ និងកែតម្រូវរាល់ចន្លោះខ្វះខាតលើសេចក្តីព្រាងឯកសារទាំងឡាយ អោយបានល្អិតល្អន់មុននឹងដាក់ជូនក្រុមប្រឹក្សាខេត្តអនុម័ត និងផ្តល់ជូនក្រុមប្រឹក្សាខេត្តអោយបានទាន់ពេលវេលាសម្រាប់កិច្ចប្រជុំសាមញ្ញនាពេលខាងមុខនេះ។ មួយវិញទៀត ដើម្បីត្រៀមរៀបចំសន្និបាតបូកសរុបលទ្ធផលការងាររដ្ឋបាលខេត្តប្រចាំឆ្នាំ២០១៩ និងទិសដៅការងារឆ្នាំ២០២០ ស្របតាមការណែនាំ របស់ក្រសួងមហាផ្ទៃ។

លោកបានស្នេីអោយសមាជិកក្រុមការងារទាំងអស់ពិនិត្យ និងពិភាក្សាអោយបានល្អិតល្អន់ និងគ្រប់ជ្រុងជ្រោយចំពោះឯកសារដែលបានយកមកពិនិត្យ និងពិភាក្សានាពេលនេះ៕