ឃុំតាតៃក្រោម៖ ព្រឹកថ្ងៃ អង្គារ ៨កើត ខែកត្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០១ ខែវិច្ឆិកា ឆ្នាំ២០២២ យោងតាមការចាត់តាំង របស់លោកអ៊ូ ឆេនឆៃវិសាន្ត មេឃុំតាតៃក្រោម លោក ហួន ណាក់ ជំទប់ទី២ឃុំ និងលោក ពុយ យី ជំនួយការរដ្ឋបាលឃុំ ជាជនបង្គោលព័ត៌មានវិទ្យាឃុំតាតៃក្រោម បានចូលវគ្គបណ្តុះបណ្តាល ស្តីពីការសរសេរ និងរៀបចំព័ត៍មាននៅក្នុងបណ្តាញសង្គម ដល់ជនបង្គោលព័ត៍មានវិទ្យា នៃរដ្ឋបាលឃុំទាំង៤ នៃស្រុកកោះកុង ដើម្បីស្វែងយល់អំពីយន្តការ និងប្រព័ន្ធព័ត៌មានវិទ្យារបស់រដ្ឋបាលខេត្ត ក្រុមការងារមន្ត្រីបង្គោលព័ត៌មានវិទ្យា នៃរដ្ឋបាលស្រុកកោះកុង រៀបចំវគ្គបណ្តុះបណ្តាល អំពីការប្រើប្រាស់ និងការចូលរួមរៀបចំព័ត៌មាននៅក្នុងបណ្តាញសង្គមនានារួមមាន គេហទំព័រ ហ្វេសប៊ុក និងតេលេក្រាម ជាដើមជូនដល់មន្រ្តីទទួលបន្ទុកព័ត៌មានវិទ្យារដ្ឋបាលឃុំ នៅសាលប្រជុំសាលាស្រុកកោះកុង។
ប្រភព : … រដ្ឋបាលឃុំតាតៃក្រោម
