វេលាម៉ោង ២:០០នាទីរសៀល លោក សាង ស៊ីណេត អភិបាលរងនៃគណ:អភិបាលស្រុក បានដឹកនាំការិយាល័យសង្គមកិច្ចនិងសុខុមាលភាពសង្គម ចូលរួមជាគណ:អធិបតីក្នុងកិច្ចប្រជុំដោះស្រាយបញ្ហានានានៅក្នុងវត្តចន្ទមុនីរាម ហៅវត្តអណ្តូងទឹក ភូមិអណ្តូងទឹក ឃុំអណ្តូងទឹក ស្រុកបូទុមសាគរ ខេត្តកោះកុង ក្រោមព្រះអធិបតីភាពព្រះគ្រូ ហេង សំបូរ ព្រះមេគណនៃគណ:មហានិកាយ ខេត្តកោះកុង
វេលាម៉ោង ២:០០នាទីរសៀល លោក សាង ស៊ីណេត អភិបាលរងនៃគណ:អភិបាលស្រុក បានដឹកនាំការិយាល័យសង្គមកិច្ចនិងសុខុមាលភាពសង្គម ចូលរួមជាគណ:អធិបតីក្នុងកិច្ចប្រជុំដោះស្រាយបញ្ហានានានៅក្នុងវត្តចន្ទមុនីរាម ហៅវត្តអណ្តូងទឹក ភូមិអណ្តូងទឹក ឃុំអណ្តូងទឹក ស្រុកបូទុមសាគរ ខេត្តកោះកុង ក្រោមព្រះអធិបតីភាពព្រះគ្រូ ហេង សំបូរ ព្រះមេគណនៃគណ:មហានិកាយខេត្តកោះកុង និងសហការីគណ ដោយមានការសម្របសម្រួលពី លោក អ៊ូច ទូច ប្រធានមន្ទីរធម្មការនិងសាសនា ខេត្តនិងសហការីព្រមទំាងមានការនិមន្តនិងអញ្ជើញចូលរួមពី ព្រះគ្រូអនុគណ និងសហការីព្រះអនុគណស្រុកបូទុមសាគរ អាជ្ញាធរឃុំអណ្តូងទឹកព្រះចៅអធិការ និងអាចារ្យ គណ:កម្មការ ព្រមទាំងពុទ្ធបរិស័ទចំណុះជើងវត្តអណ្តូងទឹក សរុបមានចំនួន ២៩អង្គ/នាក់ ព្រះសង្ឃមានចំនួន១០ព្រះអង្គ។
កិច្ចប្រជុំនេះ ផ្តោតទៅលើការដោះស្រាយនូវបញ្ហា៣យ៉ាងសំខាន់ៗគឺ÷
_ បញ្ហាព្រះចៅអធិការមិនសូវគង់នៅវត្ត
_ បញ្ហាថវិកាកសាងវត្តក្នុងកាលកន្លងមក
_ បញ្ហាការស្នើសុំឲ្យមានការផ្លាស់ប្តូរ ព្រះចៅអធិការវត្ត។
ដោយយោងទៅតាមការប្រជុំដោះស្រាយទៅតាមបញ្ហានីមួយៗ អង្គប្រជុំ ទទួលបាននូវលទ្ធផល ដូចខាងក្រោម
_ព្រះគ្រូចៅអធិការ នឹងធ្វើការកែប្រែនូវកំហុសឆ្គងនានា ដូចជាការនិមន្តត្រាច់ចរជាដើម។
_ចំពោះថវិកា ដែលតំកល់សម្រាប់ការកសាងចំនួន៥៣លានរៀល គឺព្រះអង្គចាយវាយ ប្រើប្រាស់ ទៅតាមតម្រូវការក្នុងវត្តអស់ហើយ តែក៏ជាកំហុសរបស់ព្រះអង្គផងដែរ ដែលមិនបានឆ្លងយោបល់ពីអាចារ្យនិងគណ:កម្មការវត្ត និងមិនមានបញ្ជីស្នាមច្បាស់លាស់។
ក្រោយពីបានប្រជុំដោះស្រាយបញ្ហាសំខាន់រួចមក អង្គប្រជុំទាំងមូល បានឯកភាព និងសម្រេចទៅតាមអង្គហេតុនិងសុភវិនិច្ឆ័យថាបញ្ហាខ្លះតូចតាចទេ តែចំពោះការចាយវាយថវិកា និងថាបាត់បង់ថវិកាតំកល់៥៣លានរៀលនោះ បើយើងមើលទៅលើការសាងសង់រោងបាយ និងផ្នែកផ្សេងៗទៀតនៅក្នុងវត្ត ឃើញថាស្ទើរតែមិនគ្រប់ផង ដូច្នេះ អង្គប្រជុំ ក៏សម្របសម្រួលថា ព្រះគ្រូចៅអធិការ គឺមិនជាត្រូវទោសអ្វីធ្ងន់ធ្ងរនៅក្នុងព្រះវិន័យទេ ម្យ៉ាងទៀតគឺព្រះអង្គធ្វើតែដើម្បីប្រយោជន៍នៅក្នុងវត្តតែប៉ុណ្ណោះ ។
ដោយមើលឃើញពីភាពជាក់ស្តែងនៅក្នុងវត្ត និងការលើកឡើងពីអង្គប្រជុំ ប្រកបដោយហេតុផលសមរម្យ អង្គប្រជុំក៏បានយល់ច្បាស់ ជាពិសេស គឺអាចារ្យនិងគណ:កម្មការ ព្រមទាំងពុទ្ធបរិស័ទចំណុះជើងវត្ត ក៏បានព្រមព្រៀង និងឯកភាពគ្នា ទទួលយកហេតុផល និងបញ្ចប់អធិករណ៍ក្នុងវត្ត ដោយមិនមានការអាក់អន់ចិត្ត រឺឲ្យមានការផ្លាស់ប្តូព្រះគ្រូចៅអធិការអ្វីនោះទេ គឺអ្វីៗរក្សាដូចសភាពដើម និងរួមគ្នាកសាងវិស័យព្រះពុទ្ធសាសនា ឲ្យមានការរីកចម្រើនរុងរឿងទៅទៀតនៅក្នុងសង្គមជាតិនៃកម្ពុជា។
កិច្ចប្រជុំដោះស្រាយ ត្រូវបានបញ្ចប់ នៅវេលាម៉ោង ៦:០០នាទីល្ងាច នាថ្ងៃខែឆ្នាំដដែល ក្នុងស្មារតីទទួលខុសត្រូវខ្ពស់
។
#ប្រភពៈរដ្ឋបាលស្រុកបូទុមសាគរ
==================
ថ្ងៃព្រហស្បតិ៍ ១៣ កើត ខែភទ្របទ ឆ្នាំខាលចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី៨ ខែកញ្ញា ឆ្នាំ២០២២
September 8, 2022
