រដ្ឋបាលខេត្តកោះកុង

ថ្ងៃអង្គារ ១១កើត ខែភទ្របទ ឆ្នាំខាល ចត្វាស័ក ព.ស ២៥៦៦
ត្រូវនឹងថ្ងៃទី០៦ ខែកញ្ញា ឆ្នាំ២០២២ លោក ឈេង សុវណ្ណដា អភិបាល នៃគណ:អភិបាលក្រុងខេមរភូមិន្ទ និងជាប្រធាន គណ:កម្មាធិការអនុសាខាកាកបាទក្រហមកម្ពុជាក្រុងខេមរភូមិន្ទ រួមទាំង លោក លោកស្រីអនុប្រធានកិត្តិយសអនុសាខាក្រុង និងលោកស្រី អនុប្រធាន សមាជិក សមាជិកាអនុសាខា និងអាជ្ញាធរសង្កាត់ -ភូមិបានធ្វើពិធីសំណេះសំណាល សួរសុខទុក្ខ និងចែកអំណោយមនុស្សធម៌ ដោយនាំយកអំណោយជាគ្រឿងឧបភោគ បរិភោគ សម្ភារៈប្រើប្រាស់ ព្រមទាំងថវិការបស់អនុសាខាកាកបាទក្រហមកម្ពុជាក្រុងខេមរភូមិន្ទ និងថវិកាឧបត្ថម្ភរបស់សម្បុរជន ជូនដល់ប្រជាពលរដ្ឋក្រីក្រ ចាស់ជរា ជនពិការ ស្រ្តីទើបសម្រាលក្រីក្រ សរុបចំនួន៣១គ្រួសារ ក្នុងនោះមកពី ៖
+ សង្កាត់ដងទង់ ចំនួន ១៤គ្រួសារ
+ សង្កាត់ស្ទឹងវែង ចំនួន ០៩គ្រួសារ
+ សង្កាត់ស្មាច់មានជ័យ ចំនួន ០៨គ្រួសារ
គ្រួសារនីមួយៗ ទទួលបានអំណោយរួមមានដូចជា៖
– អង្ករ ចំនួន ២៥គីឡូ.
– មី២កេសតូច (ស្មើ៦០កញ្ចប់)
– ទឹកសុទ្ធឪរ៉ាល់ ចំនួន ១កេស
– ត្រីខ ចំនួន ១យួរ
– ប៊ីចេង ចំនួន កន្លះគីឡូ
– អំបិល ចំនួន ១គីឡូ
– ទឹកត្រី ចំនួន ១កេះ និង១ដប (ស្មើនឹង១៣ដប)
– ប្រេងឆាគូក ចំនួន ១លីត្រ
– ត្រីខ ចំនួន ១ឡូ
– ខ្ទឹមស កន្លះគីឡូ
– ម៉ាស់ ចំនួន១០ម៉ាស់
– ភួយ ចំនួន០១
– ថវិកា ចំនួន ៩ម៉ឺនរៀល (ក្នុងនោះថវិកាអនុសាខា ៥ម៉ឺនរៀល , ថវិកាសម្បុរជន ៤មុឺនរៀល )។
*សម្បុរជនដែលបានចូលរួមឧបត្ថម្ភ
1/ លោក សំ វីរៈ អនុប្រធានកិត្តិយសអនុសាខា
– មី60កេសតូច និងទឹកត្រី៣០កេស
2/លោក លឹម សោភណ្ឌ (ហៅប៊ូឡូ) អនុប្រធានកិត្តិយសអនុសាខា ជួយក្នុង១គ្រួសារ ២ម៉ឺនរៀល
៣/លោកស្រី លាង ហ៊ីម (ហៅម៉ាហ្គោល) ជួយជាថវិកាក្នុងគ្រួសារ ២ម៉ឺនរៀល ទឹកសុទ្ធ១កេស និង ភួយចំនួន០១ ។

#ប្រភពពីរដ្ឋបាលក្រុងខេមរភូមិន្ទ#