លោក ហាក់ ឡេង អភិបាលនៃគណ:អភិបាលស្រុកបូទុមសាគរ បានដឹកនាំកិច្ចប្រជុំមួយ ស្តីពីការស្វែងរកដំណោះស្រាយ ការបង្ហាញជូន និងការបំភ្លឺជូនដល់អង្គប្រជុំឲ្យបានជ្រាប និងជួយបកស្រាយប្រាប់ប្រជាពលរដ្ឋវិញ អំពីការលេចលឺនូវពាក្យថា ដីវត្តភ្នំត្រងោល
លោក ហាក់ ឡេង អភិបាលនៃគណ:អភិបាលស្រុកបូទុមសាគរ បានដឹកនាំកិច្ចប្រជុំមួយ ស្តីពីការស្វែងរកដំណោះស្រាយ ការបង្ហាញជូន និងការបំភ្លឺជូនដល់អង្គប្រជុំឲ្យបានជ្រាប និងជួយបកស្រាយប្រាប់ប្រជាពលរដ្ឋវិញ អំពីការលេចលឺនូវពាក្យថា ដីវត្តភ្នំត្រងោល។
កិច្ចប្រជុំនេះ ដោយមានការនិមន្តនិងអញ្ជើញចូលរួម ពីព្រះគ្រូ វង្ស ពិជ័យ ព្រះមេគណខេត្តកោះកុង និងព្រះអនុគណស្រុកបូទុមសាគរនៃគណ:ធម្មយុត្តិកនិកាយ លោកស្រីប្រធានក្រុមប្រឹក្សា សមាជិកក្រុមប្រឹក្សា លោក លោកស្រីគណ:អភិបាល លោកនាយកនាយករងរដ្ឋបាល ការិយាល័យពាក់ព័ន្ធ អាជ្ញាធរភូមិឃុំ និងប្រជាពលរដ្ឋ ដែលមានដីជាប់ជាមួយនឹងព្រំដីវត្ត។
ក្នុងកិច្ចប្រជុំនេះ លោកអភិបាល បានលើកឡើងនូវអំណះអំណាង និងបង្ហាញជូនដោយឲ្យក្រុមការងារចុះវាស់វែង បង្ហាញតាមរយ:ស្លាយ និងបញ្ជាក់យ៉ាងច្បាស់ថា ដីដែលបានកាត់ប្រគេនសម្រាប់កសាងវត្ត គឺមិនតូចទេ មានទំហំ ៦១៥២១.៩៤ ម៉ែតការ៉េ គឺ៦ហិកតាជាង
ចំនែកដីបំរុងរបស់ស្រុក សម្រាប់ធ្វើទីតាំងយុវជន និងផ្នែកផ្សេងៗទៀត មានទំហំ ៨៩៣០៧.២៣ ម៉ែតការ៉េ គឺនៅជិត៩ហិកតា។
ក្រោយពីការលើកឡើងនិងបង្ហាញជូនរបស់លោកអភិបាល ព្រមទាំងការចូលរួមរបស់អ្នកពាក់ព័ន្ធ និងសមាជិក សមាជិកានៃអង្គប្រជុំម្នាក់ៗ សុទ្ធតែមានការយល់ច្បាស់ និងមានមូលដ្ឋានគ្រឹះក្នុងការឆ្លើយតប និងបំភ្លឺជូនដល់ប្រជាពលរដ្ឋ មិនឲ្យមានការសង្ស័យតទៅទៀត និងបានឯកភាពគ្នាដោយក្តីរីករាយ។
កិច្ចប្រជុំនេះ បានបញ្ចប់នៅវេលាម៉ោង១០:៣០នាទីព្រឹក នាថ្ងៃខែឆ្នាំដដែលក្នុងបរិយាកាសស្និទ្ធស្នាលនិងការទទួលខុសត្រូវខ្ពស់។
សាលប្រជុំ(ខ)
ប្រភព:រដ្ឋបាលស្រុកបូទុមសាគរ
====================
ថ្ងៃព្រហស្ប៧កើត ខែស្រពណ៍ ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី០៤ ខែសីហាឆ្នាំ២០២២
04 ,08 2022
