រដ្ឋបាលខេត្តកោះកុង

នៅថ្ងៃទី២៦ ខែកក្កដា ឆ្នាំ២០២២ ក្នុងឱកាសដែលនាយកដ្ឋានមន្ទីរពេទ្យបានរៀបចំវគ្គបណ្តុះបណ្តាលស្តីពីមូលដ្ឋានគ្រឹះនៃការបង្ការ និងការត្រួតពិនិត្យនៃការចម្លងរោគ និងការគ្រប់គ្រងជំងឺកូវីដ-១៩ នៅមន្ទីរពេទ្យបង្អែកខេត្តកោះកុង ដែលមានសិក្ខាកាមចូលរួមជាវេជ្ជបណ្ឌិត គិលានុបដ្ឋាក និងឆ្មបមួយចំនួនដែលជាមន្ត្រីទទួលបន្ទុកថែទាំ ព្យាបាលជំងឺកូវីដ-១៩ កំពុងបម្រើការនៅមន្ទីរពេទ្យបង្អែកខេត្តកោះកុង និងអញ្ជើញមកពីមន្ទីរពេទ្យបង្អែកស្រុកស្រែអំបិល ព្រមទាំងមណ្ឌលសុខភាពទាំង១២ក្នុងខេត្តកោះកុង។ លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្តកោះកុង បានចូលរួមធ្វើបទបង្ហាញ ចែករំលែកបទពិសោធន៍ដល់សិក្ខាកាមទាំងអស់អំពីការងារក្នុងភាពជាអ្នកដឹកនាំ និងគ្រប់គ្រងមន្ទីរពេទ្យ (Leadership and Management) ជាពិសេសការងារការបង្ការ និងការត្រួតពិនិត្យការចម្លងរោគ (Infection Control) មានការអភិវឌ្ឍរហូតទទួលបានចំណាតថ្នាក់ជ័យលាភីលេខ១ ទូទាំងប្រទេសផ្នែកផ្តល់សេវាសាធារណ:គំរូលើវិស័យសុខាភិបាលកំរិតCPA2 ឆ្នាំ២០១៩ ពីក្រុមកាងារវាយតម្លៃអន្តរក្រសូង និងទទួលស្គាល់ដោយប្រមុខរាជរដ្ឋាភិបាល។ បទពិសោធន៍ទាំងនេះគឺជាទន់មួយដ៏សំខាន់សម្រាប់សិក្ខាកាមទាំងអស់ ជាពិសេសសិក្ខាកាមដែលជាថ្នាក់ដឹកនាំនៅតាមមណ្ឌលសុខភាពនីមួយៗ ដើម្បីត្រៀមខ្លួនឈរឈ្មោះជាបេក្ខភាពក្នុងការវាយតម្លៃអង្គភាពផ្តល់សេវាសធារណៈគំរូ និងគុណភាពសេវាល្អ ជំហ៊ានទី២ (H-EQIP2) នៅពេលដ៏ខ្លីខាងមុខនេះ ។

~~~
មន្ទីរពេទ្យបង្អែកខេត្តកោះកុង÷
ថ្ងៃអង្គារ ១៣រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៦ ខែកក្កដា ឆ្នាំ២០២២ ។

•