លោក ហាក់ ឡេង អភិបាល នៃគណៈអភិបាល បានយកថវិកា ចំនួន ១,០០០,០០០ រៀល (មួយលានរៀលគត់) និង លោក ឧកញ៉ាហេង ហ៊ុយ ចំនួន ២,០០០,០០០ រៀល ចូលរួមរំលែកទុក្ខជាមួយក្រុមគ្រួសាររបស់លោក ពូ ម៉ៅ សេត អាយុ៥៨ឆ្នាំ ត្រូវបានទទួលមរណៈភាពដោយឆក់ចរន្តអគ្គីសនី បណ្តាលឲ្យ ស្លាប់បាត់បង់ជីវិតភ្លាមៗនៅកន្លែងកើតហេតុ នៅចំនុចភូមិជីត្រេះ(ហៅព្រៃធំ) មូលហេតុដែលឆក់ ដោយសារគាត់ទៅបិទកុងតាក់ភ្លើងនៅបង្គោលភ្លើងធំ ក្នុងពេលដែលមេឃកំពុងភ្លៀង ។
លោក អភិបាល បានផ្តាំផ្ញើក្តីអាណិតអាសូរ និងការសោកស្តាយយ៉ាងក្រៃលែង ដែលកើតឡើងចំពោះគ្រួសារសព ដែលបានបាត់បង់មនុស្ស ជាទីស្រឡាញ់ ។ ក្រុមការងារទាំងអស់សូមបួងសួងដល់ដួងវិញ្ញាណក័ន្ធ
លោក បានទៅកាន់ដល់សុគតិភពកុំបីឃ្លៀងឃ្លាតឡើយ។
ជាមួយគ្នានេះ ក្រុមការងារ បានផ្តាំផ្ញើដល់ក្រុមគ្រួសារសព និងលើកទឹកចិត្តឱ្យថែទាំសុខភាព ឱ្យបានល្អ រក្សាអនាម័យក្នុងការរស់នៅ ជាពិសេសត្រូវមានស្មារតីរឹងប៉ឹង ត្រូវខិតខំតស៊ូ ដើម្បីប្រកបរបរចិញ្ចឹម ជីវិតរស់នៅបន្តទៅមុខទៀត ។
ប្រភពៈ រដ្ឋបាលស្រុក បូទុមសាគរ
=========================
ថ្ងៃពុធ ៣ រោច ខែពិសាខ ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី១៨ ខែឧសភា ឆ្នាំ២០២២
May 18, 2022
