រដ្ឋបាលខេត្តកោះកុង

ថ្ងៃសៅរ៍ ៧ រោច ខែចេត្រ ឆ្នាំខាល
ចត្វាស័ក ពុទ្ធសករាជ ២៥៦៥
ត្រូវនឹងថ្ងៃទី២៣ ខែមេសា ឆ្នាំ២០២២
_««»»_
លោក អ៊ូច ប្រធានមនី្ទរធម្មការ និងសាសនាខេត្តកោះកុង បានដឹកនាំកិច្ចប្រជុំស្តីពីការបែងចែកតួនាទីភារកិច្ចគណៈកម្មការទទួលខុសត្រូវសម្រាប់ការប្រឡងយកវិញ្ញាបនបត្រធម្មវិន័យថ្នាក់ត្រី ទោ ឯក សម្រាប់ឆ្នាំសិក្សា២០២១-២០២២ នៅសាលាគណខេត្តកោះកុង។ កិច្ចប្រជុំនេះមានការនិមន្តចូលរួមជាគណៈអធិបតីពីព្រះព្រហ្មសិរីញ្ញាណ ហេង សំបូរ ព្រះរាជាគណៈថ្នាក់កិត្តិយស និងជាព្រះមេគណគណៈមហានិកាយខេត្តកោះកុង និងលោក ហុង សុភ័ក្ត្រគ្ឌន់ បេសិតជនតំណាងអគ្គាធិការដ្ឋានពុទ្ធិកសិក្សាជាតិ នៃក្រសួងធម្មការ និងសាសនា ព្រមទាំងមានការនិមន្ត និងអញ្ជើញចូលរួមពីសំណាក់ព្រះមន្ត្រីសង្ឃខេត្ត ព្រះមន្ត្រីសង្ឃស្រុក និងមន្ត្រីនៃមន្ទីរធម្មការ និងសាសនាខេត្ត។ បន្ទាប់ពីចប់កិច្ចប្រជុំគណៈកម្មការ បានចុះពិនិត្យមើលបន្ទប់ប្រឡង។