រដ្ឋបាលខេត្តកោះកុង

រដ្ឋបាលឃុំកណ្ដោល បានទទួលអំពូលសូឡាដំណើរការដោយពន្លឺព្រះអាទិត្យ ចំនួន ១០០ អំពូលសម្រាប់ដាក់តាមបណ្តោយផ្លូវជាតិលេខ ៤៨ស្ថិតក្នុងភូមិសាស្ត្រ ឃុំកណ្ដោល ស្រុកបូទុមសាគរ ខេត្តកោះកុង ដែលជាអំណោយដ៏ថ្លៃថ្លារបស់សប្បុរសជន តាមរយៈលោក ហាក់ ឡេង អភិបាលនៃគណៈអភិបាលស្រុក ដោយត្រូវបានទទួលការសាទរពីសំណាក់បងប្អូនប្រជាពលរដ្ឋ ព្រោះទីតាំងទាំងនោះធ្លាប់តែមានសភាពងងឹត ពិបាកក្នុងការធ្វើដំណើរទៅមក ហើយជាងនេះទៅទៀតក៏បញ្ជៀសនូវបទល្មើសផ្សេងៗផងដែរ។

      រដ្ឋបាលឃុំ សូមគោរពថ្លែងអំណរគុណដល់សប្បុរសជនគ្រប់ទិសទីដែលតែងតែជួយគាំទ្រ និងឧបត្ថម្ភ ព្រមទាំងបន្តទឹកចិត្តនេះដើម្បីអភិវឌ្ឍន៍ ភូមិ ឃុំ ឲ្យកាន់តែមានភាពរីកចម្រើនទៅមុខ។

ប្រភពៈរដ្ឋបាលឃុំកណ្ដោល

—————————————–

ថ្ងៃសុក្រ ៧ កើត ខែចេត្រ ឆ្នាំឆ្លូវ

ត្រីស័ក ពុទ្ធសករាជ ២៥៦៥

ត្រូវនឹងថ្ងៃទី៨ ខែមេសា ឆ្នាំ២០២២