រដ្ឋបាលខេត្តកោះកុង

នាថ្ងៃទី២០ ខែមីនា ឆ្នាំ២០២២ នៅសាលាស្រុកស្រែអំបិល បានរៀបចំពិធីប្រគល់ទទួលអំណោយពីក្រុហ៊ុនមិត្តហ្វូន (Metfone) ក្រោមអធិបតីភាពឯកឧត្តម ឧត្តមសេនីយ៍ឯក ហេង អៀង អគ្គលេខាធិការរង តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ បណ្ឌិត ផន ណារ៉ា អគ្គលេខាធិការ នៃអគ្គលេខាធិការដ្ឋានអាជ្ញាធជាតិទប់ស្កាត់អាវុធគីមី នុយក្លេអ៊ែរ ជីវសាស្ត្រ និងវិទ្យុសកម្ម និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកស្រែអំបិល និងមានការអញ្ជើញចូលរួមពីឯកឧត្តម លោកជំទាវ ក្រុមការងាររាជរដ្ឋាភិបាលចុះមូលដ្ឋានស្រុកស្រែអំបិល លោក ហុង ប្រុស អភិបាលស្រុកស្ដីទី លោក លោកស្រី សមាជិក្រុមប្រឹក្សាស្រុក និងលោក ម៉ារិទ្ធ គង់ នាយកសាខាក្រុមហ៊ុនមិត្តហ្វូនខេត្តកោះកុង ព្រមទាំងក្រុមការងារ។ អំណោយទាំងនោះរួមមាន អង្ករ មី ត្រីខ ទឹកស៊ីអ៊ីវ ទឹកត្រី សរុបថវិកា ៨០.០០០.០០០រៀល ប្រគល់ជូនរដ្ឋបាលស្រុកស្រែអំបិល សម្រាប់ចែកជូនប្រជាពលរដ្ឋក្រីក្រក្នុងស្រុកស្រែអំបិល ខេត្តកោះកុង។

ប្រភព វឿន រិទ្ធី