សាខាកក្រក ខេត្តកោះកុង ៖ នៅរសៀល ថ្ងៃអង្គារ ទី០១ ខែមីនា ឆ្នាំ២០២២ សាខាកាកបាទក្រហមកម្ពុជា ខេត្តកោះកុង បានបើកកិច្ចប្រជុំស្ដីពីការបូកសរុបលទ្ធផលសកម្មភាពការងារ ឆ្នាំ២០២១ និងលើកទិសដៅភារកិច្ចបន្តឆ្នាំ២០២២ តាមរយៈវីដេអូរ Zoom Meeting ក្រោមអធិបតីភាព លោកជំទាវ មិថុនា ភូថង ប្រធានគណៈកម្មាធិការសាខា និងមានការអញ្ជើញចូលរួមពី ឯកឧត្តមអនុប្រធាន ហិរញ្ញឹក សមាជិក សមាជិកាគណៈកម្មាធិការសាខា លោក លោក ស្រីប្រធាន ឬតំណាង គណៈកម្មាធិការអនុសាខាទាំង៧ ក្រុង/ស្រុក និងក្រុមការងារប្រតិបត្តិសាខា សរុបចំនួន ៣០នាក់ ស្រី៧នាក់ដែលប្រព្រឹត្តទៅនៅសាលប្រជុំសាខាកាកបាទក្រហមកម្ពុជា ខេត្តកោះកុង។
