ស្រុកកោះកុង ៖ នៅព្រឹកថ្ងៃព្រហស្បតិ៍ ១ រោច ខែមាឃ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៧ ខែកុម្ភៈ ឆ្នាំ២០២២ លោក សុខ ភិរម្យ អភិបាលរងស្រុក តំណាងលោក ជា សូវី អភិបាល នៃគណៈអភិបាលកោះកុង បានដឹកនាំកិច្ចប្រជុំពិភាក្សាដឹកនាំប្រជុំពិភាក្សាពិគ្រោះយោបល់ជាមួយក្រុមហ៊ុន អ៉ីលស៊ុង ហានីលយ៉ញ វេនឈ័រ ឯ.ក ដើម្បីស្នើសុំមតិយោបល់ និងអនុសាសន៍ក្នុងការគ្រប់គ្រង និងរៀបចំទីតាំងសម្រាប់ទុកដាក់កាកសំណល់ ដែលកើតមានក្នុងទីតាំងស្នាក់ការរបស់បុគ្គលិកក្រុមហ៊ុន ស្ថិតនៅភូមិត្រពាំងរូង ឃុំត្រពាំងរូង ស្រុកកោះកុង ខេត្តកោះកុង។
ក្រោយបញ្ចប់ការប្រជុំនៅសាលាប្រជុំសាលាស្រុកកោះកុង លោកអភិបាលរងស្រុក ក៏បានដឹកនាំក្រុមការងារស្រុក និងតំណាងក្រុមហ៊ុន អ៉ីលស៊ុង ហានីលយ៉ញ វេនឈ័រ ឯ.ក ចុះពិនិត្យនូវទីតាំងជាក់ស្តែងមួយកន្លែងនៅភូមិត្រពាំងរូង ឃុំត្រពាំងរូង សម្រាប់ការទុកដាក់នូវកាកសំណល់របស់បុគ្គលិកក្រុមហ៊ុន ដែលឋិតនៅក្នុងដំណាក់កាលប្រតិបត្តិគម្រោងលើកកម្រិតផ្លូវជាតិលេខ៤៨ ប្រវែង ១៤៨គ.ម ពីស្រុកស្រែអំបិលដល់ក្រុងខេមរភូមិន្ទ ដែលប្រើប្រាស់ហិរញ្ញប្បទានពីសាធារណរដ្ឋកូរ៉េផងដែរ។
