លោក ហាក់ ឡេង អភិបាល នៃគណៈអភិបាលស្រុកបូទុមសាគរ បានដឹកនាំក្រុមការងារស្រុកដោយមានការចូលរួមពីអាជ្ញាធរភូមិឃុំបានទៅជួបបងប្អូនប្រជាពលរដ្ឋនៅក្នុងភូមិប្រលាននិងភូមិសុវណ្ណាបៃតង ឃុំកណ្ដោល ស្រុកបូទុមសាគរ ខេត្តកោះកុង ដើម្បីចុះទៅពិនិត្យតាមកាស្នើសុំពីបងប្អូនប្រជាពលរដ្ឋ ក្រោយពីបងប្អូនប្រជាពលរដ្ឋបានស្មគ្រ័ចិត្តវិលត្រលប់ពីការបោះតង់លើដីរដ្ឋកាលពីថ្ងៃទី២៩ ខែមករា រហូតដល់ថ្ងៃទី១១ ខែកុម្ភះ ឆ្នាំ២០២២។ ក្រោយពី លោកអភិបាលស្រុក ចុះជួបបងប្អូនប្រជាពលរដ្ឋតាមខ្នងផ្ទះនីមួយៗ ក្រុមការងារក៏បានស្តាប់ពីបញ្ហា សំណូមពរ និងបានធ្វើការបកស្រាយជូនបងប្អូនប្រជាពលរដ្ឋព្រមទាំងបានដោះស្រាយបញ្ហាផ្សេងៗបានមួយចំនួនមានដូចជា៖
១)សុំតភ្លើងអគ្គីសនីចូលទៅខាងចុងភូមិប្រវែងប្រហែល១០០មថែមទៀតនៅចំណុចភ្នំទេព
២)ស្នើសុំតម្លើងអំពូលភ្លើងសូឡាដែលដំណើរការដោយថាមពលពន្លឺព្រះអាទិត្យចំនួន៨អំពូល ដាក់តាមបណ្តោយផ្លូវច្រកចូលទៅចំណុចភ្នំទេព
៣)ទទួលយកកូនស្រីរបស់បងស្រីម្នាក់ដែលបាក់ដៃយកទៅពិនិត្យមើលអាការះនៃជំងឺដើម្បីព្យាបាល
៤)ជួយដោះស្រាយបង្គន់អនាម័យ និងតម្លើងអំពូលសូឡា២ដើមនៅភូមិសុវណ្ណាបៃតង
៥)ចេញប័ណ្ណក្រីក្រជូនគ្រួសារដែលក្រីក្របានទៅសំរាកព្យាបាលនៅមន្ទីពេទ្យរដ្ឋ។
៦)តម្លើងអំពូលសូឡា២ដើមបន្ថែមនៅភូមិប្រលាន។ នាឱកាសនោះដែរ លោក ហាក់ ឡេង អភិបាលស្រុក បានផ្តល់ការប្រឹក្សាជូនក្រុមគ្រួសារដែលមានដីការកោះហៅពីតុលាការខេត្តកោះកុងផងដែរ។
ប្រភពៈរដ្ឋបាលស្រុកបូទុមសាគរ
====================
ថ្ងៃពុធ ១៥ កើត ខែមាឃ ឆ្នាំឆ្លូវ
ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី១៦ ខែកុម្ភៈ ឆ្នាំ២០២២
ថ្ងៃនេះ ជាថ្ងៃសីល និងពេញបូណ៌មី
ខែកុម្ភៈ 16, 2022
ពិធីបុណ្យមាឃបូជា (Meak Bochea)
