ស្រុកកោះកុង ៖ ថ្ងៃពុធ ១៥ កើត ខែមាឃ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៦ ខែកុម្ភៈ ឆ្នាំ២០២២ លោកស្រី សឿ សាវី សមាជិកក្រុមប្រឹក្សាស្រុក និងជាប្រធាន គ.ក.ស.ក និងលោកស្រី អ៉ិន សុភី អភិបាលរងស្រុក និងជាអនុប្រធានគណៈកម្មាធិការពិគ្រោះយោបល់កិច្ចការស្រ្តី ស្រុកកោះកុង បានដឹកនាំក្រុមការងារ សហការជាមួយអាជ្ញាធរឃុំតាតៃក្រោម ចុះជួបសំណេះសំណាល សួរសុខទុក្ខដល់កុមារីដែលត្រូវរងគ្រោះដោយករណីរំលោភសេពសន្ថវៈ នៅភូមិកោះអណ្តែត ឃុំតាតៃក្រោម ស្រុកកោះកុង ខេត្តកោះកុង កាលពីថ្ងៃទី១៣ ខែកុម្ភៈ ឆ្នាំ២០២២
ជាមួយគ្នានេះផងដែរ លោកស្រី អភិបាលរងស្រុក ក៏បាននាំយកនូវសម្ភារដែលជាអំណោយរបស់ ឯកឧត្តម ហ៊ុន ម៉ាណែត និងលោកជំទាវ ពេជ្រ ចន្ទមុនី រួមមាន ៖ អង្ករចំនួន ៥០គីឡូក្រាម ទឹកសុីអុីវ ២យួរទឹកត្រី ៤ដប និងថវិការបស់គណៈកម្មាធិការចំនួន ៥០០,០០០រៀល (ប្រាំរយពាន់រៀលគត់)។
