លោកថ្ងៃទី០៦ ខែកុម្ភៈ ឆ្នាំ២០២២ លោក ជា ច័ន្ទកញ្ញា អភិបាល នៃគណៈអភិបាលស្រុកស្រែអំបិល បានដឹកនាំក្រុមការងារស្រុក និងក្រុមគ្រូពេទ្យ សហការជាមួយអាជ្ញាធរឃុំដងពែង ចុះចាក់វ៉ាក់សាំងការពារជំងឺកូវីដ-១៩ ជូនប្រជាពលរដ្ឋ នៅភូមិពោធិ៍បឹង ឃុំដងពែង ស្រុកស្រែអំបិល ខេត្តកោះកុង។ ក្នុងនោះដែរ លោកអភិបាលបាននាំយកទេយ្យទានប្រគេនព្រះសង្ឃគង់នៅវត្តពោធិ៍បឹង រួមមាន អង្ករ ១០០គ.ក្រ មី៤កេស ត្រីខ១កេស ទឹកត្រី៤យួរ ទឹកស៊ីអ៊ីវ៤យួរ និងទឹកបរិសុទ្ធ៤កេស។