លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជាអធីបតី អបអរសាទរ ពិធីប្រារព្ធបើកបវេសនកាលឆ្នាំសិក្សា ២០២១-២០២២ នៅវិទ្យាល័យចំណេះទូទៅ បច្ចេកទេសតេជោសែនកោះកុង។

លោកជំទាវអភិបាលខេត្ត បានលើកឡើងថា បវេសនកាល សម្រាប់ឆ្នាំសិក្សា២០២១-២០២២ ជាពេលវេលាដ៏សំខាន់សម្រាប់ក្មួយៗសិស្សនុសិស្ស ដែលត្រូវចូលរៀន ជាមួយនឹងការរស់នៅតាមបែបគន្លងថ្មី ត្រូវការពារ ទប់ស្កាត់ ការរីករាលដាលជំងឺកូវីដ-១៩ ទាំងក្នុងសហគមន៍ ទាំងក្នុងសាលារៀន លោកគ្រូ អ្នកគ្រូ សិស្សានុសិស្សទាំងអស់នូវអនាម័យជាប្រចាំឲ្យបានខ្ជាប់ខ្ជួនបំផុត។ ក្មួយៗពិតជាទំពាំងស្នងឬស្សី ជាធនធានមនុស្សដ៏សំខាន់ ជាសរសរទ្រូងរបស់ប្រទេសជាតិ ត្រូវខិតខំរៀនសូត្រ ក្រេបយកចំណេះដឹងទាំងឡាយដែលលោកគ្រូ អ្នកគ្រូ បានផ្តល់ជូន ដើម្បីជាស្ពានសម្រាប់បន្តសិក្សានៅថ្នាក់ឧត្តមទៀត។ មួយវិញទៀតលោកគ្រូ អ្នកគ្រូទាំងអស់ ជាឪពុក ម្តាយទី២ របស់ក្មួយៗ គាត់ពិតជាប្រឹងប្រែងអភិវឌ្ឍសមត្ថភាពក្មួយៗ ឲ្យក្លាយជាកូនល្អ សិស្សល្អ និងជាពលរដ្ឋល្អ នៅក្នុងសង្គមជាក់ជាមិនខាន៕

ថ្ងៃចន្ទ ៨ កើត ខែបុស្ស ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១០ ខែមករា ឆ្នាំ២០២២ ថ្ងៃនេះ ជាថ្ងៃសីល January 10, 2022