ខេត្តកោះកុង៖ លោកជំទាវ មិថុនា ភូថង អភិបាលនៃគណៈអភិបាលខេត្តកោះកុង បានឆ្លៀតពេលដ៏មមាញឹកចុះសួរសុខទុក្ខប្រជាពលរដ្ឋដែលមានជំងឺរ៉ាំរ៉ៃប្រចាំកាយ និងបានផ្ដល់រទេះរុញជនពិការភាពចំនួន ១ គ្រឿង និងថវិកាមួយចំនួនផងដែរ ។
នាឱកាសនោះ លោកជំទាវក៏បានក្រើនរឮកដល់ក្រុមគ្រួសារឱ្យរួមគ្នាថែរក្សាសុខភាពឲ្យបានខ្ជាប់ខ្ជួន ជាពិសេសស្ថិតក្នុងស្ថានភាពការរីករាលដាលនៅជំងឺកូវីដ-១៩ ដោយប្រើម៉ាស អាល់កុលសម្លាប់មេរោគ និងនាំគ្នាទៅចាក់វ៉ាក់សាំងដូសជំរុញនាពេលខាងមុខដ៏ឆាប់នេះ ។
