រដ្ឋបាលខេត្តកោះកុង

វេលាម៉ោង២:៣០នាទីរសៀល លោក ហាក់ ឡេង អភិបាល នៃគណ:អភិបាលស្រុក នឹងជាប្រធានអង្គប្រជុំ បានបើកកិច្ចប្រជុំដោះស្រាយសម្របសម្រួល បញ្ហាទំនាស់ដីកេរ្ដិ៍ចាស់មួយកន្លែង ស្ថិតនៅក្នុងភូមិកណ្តាល ឃុំកណ្តោល ស្រុកបូទុមសាគរខេត្តកោះកុង។ យោងការសម្របសម្រួលនៅសាលាឃុំកណ្តោល និងការចុះពិនិត្យទីតាំងជាក់ស្តែង រដ្ឋបាលស្រុកក៏បានអញ្ចើញភាគីពាក់ព័ន្ធទាំងអស់មកសាលាស្រុករៀបចំសម្របសម្រលបន្ត នៅថ្ងៃខែឆ្មាំដដែល។ ក្រោមកិច្ចដឹកនាំប្រជុំរបស់ប្រធានអង្គប្រជុំដែលបានពន្យល់ណែនាំ ឲ្យបងប្អូនប្រជាពលរដ្ឋទាំងអស់ដាក់ចិត្តចូលរួមក្នុងកិច្ចប្រជុំនាពេលនេះដើម្បីទទួលបានលទ្ឋផលឈ្នះៗទាំងអស់គ្នា។ក្រោយពីបានប្រជុំពិភាក្សាគ្នារួចមកភាគីទាំងអស់បានយល់ព្រមឯកភាពគ្នា ទៅតាមការសម្របសម្រួលរបស់អាជ្ញាធរជាកិច្ចបញ្ចប់ លោក អភិបាលស្រុក បានពិនិត្យឃើញថា បងប្អូនដែលបានមកចូលរួមនៅក្នុងកិច្ចប្រជុំ ជាប្រជាពលរដ្ឋដែលមានជីវភាពខ្វះខាត ដូចនេះរដ្ឋបាលស្រុកក៏ប្រគល់អំណោយជាអង្ករចំនួនម្នាក់០១បាវៗ។ 

ប្រភពៈរដ្ឋបាលស្រុកបូទុមសាគរ

===================

ថ្ងៃអង្គារ ៣ កើត ខែមិគសិរ ឆ្នាំឆ្លូវ

ត្រីស័ក ពុទ្ធសករាជ ២៥៦៥

ត្រូវនឹងថ្ងៃទី៧ ខែធ្នូ ឆ្នាំ២០២១

December 7, 2021