នៅថ្ងៃទី២៩ ខែវិច្ឆិកា ឆ្នាំ២០២១ លោក ហាក់ ឡេង អភិបាល នៃគណៈអភិបាលស្រុកបូទុមសាគរ បានដឹកនាំក្រុមការងាររដ្ឋបាលស្រុក សហការជាមួយអាជ្ញាធរ ភូមិ ឃុំ បានចុះត្រួតពិនិត្យការកាប់ដើមកាស្យា ដែលដុះសងខាងគ្របលើផ្លូវបេតុងស្ថិតនៅភូមិសុវណ្ណាបៃតង ឃុំកណ្តោល
នៅថ្ងៃទី២៩ ខែវិច្ឆិកា ឆ្នាំ២០២១ លោក ហាក់ ឡេង អភិបាល នៃគណៈអភិបាលស្រុកបូទុមសាគរ បានដឹកនាំក្រុមការងាររដ្ឋបាលស្រុក សហការជាមួយអាជ្ញាធរ ភូមិ ឃុំ បានចុះត្រួតពិនិត្យការកាប់ដើមកាស្យា ដែលដុះសងខាងគ្របលើផ្លូវបេតុងស្ថិតនៅភូមិសុវណ្ណាបៃតង ឃុំកណ្តោល ស្របពេលជាមួយគ្នានោះដែរ ដោយមានការស្នើសុំពីប្រជាពលរដ្ឋរស់នៅភូមិសុវណ្ណាបៃតងអោយរដ្ឋបាលស្រុកជួយពិនិត្យលើ៖
១/សុំអោយកាប់ដើមកាស្យាដុះសងខាងផ្លូវ មួយចំនួនដែលបានរលើងគល់មកលើផ្លូវ និងដើមងាប់មួយចំនួន
២/មានបងប្អូនលេងល្បែងតាមភូមិនៅមុខសាលារៀន
៣/ស្នើសុំដីនៅសហគមន៏ដើម្បីជីកស្រះប្រើប្រាស់រួមរួមគ្នា យកទឹកសំរាប់ស្រោចស្រប់ដល់ចំការធូររ៉េនដែលកំពុងតែចេញផ្កា។
+ចំពោះការស្នើសុំរបស់ប្រជាពលរដ្ឋនៅចំណុចទី១ និងទី២ លោក អភិបាលស្រុក បានធ្វើការឆ្លើយតបនៅការស្នើសុំរបស់ប្រជាពលរដ្ឋភ្លាមៗ តែនៅចំណុចទី៣ ការស្នើសុំដីដើម្បីជីកស្រះប្រើប្រាស់រួមគ្នានោះ លោក អភិបាលស្រុក បានជម្រាបដល់ប្រជាពលរដ្ឋដែលរស់នៅទីនោះគឺរងចាំការពិភាក្សាគ្នាសិន និងផ្ដល់ចំលើយនៅពេលក្រោយ ។
ប្រភពៈរដ្ឋបាលស្រុកបូទុមសាគរ
====================
ថ្ងៃចន្ទ ១០ រោច ខែកត្តិក ឆ្នាំឆ្លូវ
ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី២៩ ខែវិច្ឆិកា ឆ្នាំ២០២១
ខែវិច្ឆិកា 29, 2021
