រដ្ឋបាលខេត្តកោះកុង

នៅថ្ងៃទី៣១ ខែតុលា ឆ្នាំ២០២១ នៅសាលាស្រុកស្រែអំបិល បានរៀបចំពិធីប្រគល់អំណោយរបស់ក្រុមហ៊ុនមិត្តហ្វូន (Metfone) មាន អង្ករ ១៥.០០០គ.ក្រ ត្រីខ៦០កេស ទឹកត្រី ៥០កេស ទឹកស៊ីអ៊ីវ៥០កេស អាល់កុល ៦០០លីត្រ និងម៉ាស៣០កេសធំ គិតជាថវិកាសរុប ៥០.០០០.០០០រៀល (ហាសិបលានរៀលគត់) ក្រោមអធិបតីដ៏ខ្ពង់ខ្ពស់ ឯកឧត្តម នាយឧត្តមសេនីយ៍ បណ្ឌិត ផន ណារ៉ា អគ្គលេខធិការ នៃអគ្គលេខាធិការដ្ឋានអាជ្ញាធរជាតិ ទប់ស្កាត់អាវុធគីមី នុយក្លេអ៊ែរ ជីវសាស្ត្រ និងវិទ្យុសកម្ម និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកស្រែអំបិល និងមានការចូលរួមពី ឯកឧត្តម លោកជំទាវ លោក លោកស្រី ក្រុមការងាររាជរដ្ឋាបាលចុះមូលដ្ឋានស្រុកស្រែអំបិល ក្រុមប្រឹក្សាស្រុក អភិបាលស្រុក អភិបាលរងស្រុក និងលោកមេឃុំទាំង៦ នៃស្រុក។ ក្នុងនោះដែរ បានបែងចែកជូនឃុំទាំង៦ នៃស្រុក ដោយក្នុងមួយឃុំទទួលបាន អង្ករ ទឹកត្រី ទឹកស៊ីអ៊ីវ អាល់កុល និងម៉ាស គិតជាថវិកាសរុប ៥.០០០.០០០រៀល។

____
ប្រភព: ឡូ រដ្ឋា