ពិធីប្រារព្ធខួបលើកទី១៧ នៃការគ្រប់គ្រងព្រះបរមរាជសម្បត្តិរបស់ព្រះករុណាសម្តេចព្រះបាទព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា
មន្ទីរធម្មការ និងសាសនាខេត្តកោះកុង សហការជាមួយរដ្ឋបាលស្រុកមណ្ឌលសីមា និងវត្តសមុទ្ធារាមហៅវត្តប៉ាក់ខ្លង បានរៀបចំប្រារព្ធ ពិធីប្រារព្ធខួបលើកទី១៧ នៃការគ្រប់គ្រងព្រះបរមរាជសម្បត្តិរបស់ព្រះករុណាសម្តេចព្រះបាទព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។
ក្នុងពិធីនោះមានការអញ្ជើញចូលរួមជាអធិបតីពីលោក អ៊ូច ទូច ប្រធានមន្ទីរ និងលោក ប្រាក់ វិចិត្រ អភិបាលស្រុកមណ្ឌលសីមា និងមានការអញ្ជើញចូលរួមពីបងប្អូនមន្តី្ររាជការ និងញាតិញោមបរិស័ទ។
ក្នុងព្រះពិធីប្រារព្ធនោះមានការអានសារថ្វាយព្រះពរ ដោយលោកប្រធានមន្ទីរ និងអភិបាលស្រុក ព្រមទាំងប្រគេនទេយ្យទាន រាប់បាត្រប្រគេនព្រះសង្ឃមានចំនួន៩អង្គ។
