កោះកុង,ថ្ងៃសុក្រ ១ រោច ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២២ ខែតុលា ឆ្នាំ២០២១ វេលាម៉ោង ៩:០០នាទីព្រឹក លោក គង់ រឿង ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តកោះកុង បានចាត់មន្រ្តីការិយាល័យសុខុមាលភាពកុមារ និងយុវនីតិសម្បទា ចំនួន ០៣រូប សហការជាមួយមន្រ្តីសុខាភិបាលដែលប្រចាំការក្នុងមណ្ឌលចត្តាឡីស័ក ចុះសួរសុខទុក្ខ និងផ្ដល់កញ្ចប់ឧបត្ថម្ភមានដូចជា: ទឹកដោះគោ ទឹកសណ្ដែក នំ ម៉ាស់ ខោទឹកនោម ក្រដាសសើម ទឹកសុទ្ធ សាប៊ូដុសខ្លួន ច្រាសដុសធ្មេញ ថ្នាំដុសធ្មេញ ជូនដល់កុមារចំនួន ០៥នាក់ ស្រី ០២នាក់ ដែលកំពុងសម្រាកព្យាបាល និងធ្វើចត្តាឡីស័កនៅអគាររៀបពិធីមង្គលការ (តារីតុការ) ។