សាខា កក្រក ខេត្តកោះកុង៖
(សកម្មភាពប្រចាំឆមាសទី១ ឆ្នាំ២០២១វិស័យស្នូលទី២ ការងារសុខភាព និងការថែទាំសុខភាពនៅតាមសហគមន៍ របស់សាខាកាកបាទក្រហមកម្ពុជាខេត្តកោះកុង)
ក្នុងនាមជាស្ថាប័នមនុស្សធម៌ឈានមុខគេ កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ឯកឧត្តម ប៊ុន លើត ប្រធានកិត្តិយសសាខា លោកជំទាវ មិថុនា ភូថង ប្រធានគណៈកម្មាធិការសាខាកាកបាទក្រហមកម្ពុជាខេត្តកោះកុង បានដឹកនាំក្រុមការងារសហការយ៉ាងជិតស្និទ្ធជាមួយអាជ្ញាធរខេត្ត និងគ្រប់ភាគីពាក់ព័ន្ធបានធ្វើប្រតិបត្តិការឆ្លើយតបយ៉ាងសកម្ម និងមានប្រសិទ្ធក្នុងការផ្សព្វសផ្សាយវិធានការការពារជំងឺកូវីដ១៩ វិជ្ជាសង្គ្រោះបឋម ជំងឺអេដស៍ ក្នុងបរិបទកូវី១៩ ដើម្បីផ្សព្វផ្សាយបន្តដល់ប្រជាពលរដ្ឋក្នុងសហគមន៍ ឱ្យចេះការពារខ្លួន និងសមាជិកគ្រួសារ ។
ជាក់ស្តែងនៅក្នុងឆមាសទី១ឆ្នាំ២០២១នេះ សាខាបានបន្តអនុវត្តការងាររបស់ខ្លួនយ៉ាងយកចិត្តទុកដាក់បំផុតស្របតាមផែនការយុទ្ធសាស្ត្រសកម្មភាពការងារ និងទិសដៅភារកិច្ច ក្រោមការដឹកនាំចង្អុលបង្ហាញពីថ្នាក់ដឹកនាំបានចុះជាប់ជាប្រចាំក្នុងការជួយតម្រង់ទិសក្រុមប្រតិបត្តិសាខា អនុសាខាទាំង៧ក្រុង/ស្រុក អ្នកស្ម័គ្រចិត្ត យុវជនកាកបាទក្រហម ក្នុងការផ្តល់អំណោយមនុស្សធម៌ជូនដល់ស្ត្រីសម្រាល អ្នករស់នៅជាមួយមេរោគអេដស៍ កំពុងជួបការលំបាក អោយបានទាន់ពេលវេលា ពោលគឺស្របតាមពាកស្លោករបស់កាកបាទក្រហមកម្ពុជា (កាកបាទក្រហមកម្ពុជា មានគ្រប់ទីកន្លែងសម្រាប់គ្រប់ៗគ្នា ដោយមិនទុកនរណាម្នាក់ចោលឡើយ )។
សូមបញ្ជាក់ផងដែរថាសកម្មភាព និងសម្ភារៈដែលផ្តល់ជូនគ្រួសារងាយរងគ្រោះទាំងអស់គឺជាការចូលរួមបរិច្ចាគពីសប្បុរសជន ទាំងវិស័យរដ្ឋ និងវិស័យឯកជន ដើម្បីចូលរួមចំណែកសកម្មភាពមនុស្សធម៌ ដែលមានសម្តេចពិសេសពីសំណាក់សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានកាកបាទក្រហមកម្ពុជា ។
តាមរយៈសកម្មភាពទាំងនេះ គឺបានស្តែងឱ្យឃើញនូវសមានចិត្ត និងទឹកចិត្តប្រកបដោយមេត្តាធម៌របស់សមាគមជាតិកាកបាទក្រហមកម្ពុជា ជាមួយប្រជាពលរដ្ឋរងគ្រោះ ដើម្បីរំលែកការលំបាកទាំងឡាយ ៕
