លោក ហាក់ ឡេង អភិបាល នៃគណៈអភិបាលស្រុកបូទុមសាគរ និងលោកស្រី អុិន សោភ័ណ្ឌ អភិបាលរងស្រុក បានដឹកនាំក្រុមការងារ សហការជាមួយគ្រូពេទ្យមណ្ឌលសុខភាពអណ្ដូងទឹក ចុះត្រួតពិនិត្យ និងសម្របសម្រួល ដំណេីរការ យុទ្ធនាការចាក់វ៉ាក់សាំងបង្ការជំងឺកូវីដ-១៩ ដល់ ក្មួយៗកុមារា កុមារី អាយុចាប់ពី ១២ ឆ្នាំ ដល់អាយុក្រោម ១៨ ឆ្នាំ (សម្រាប់ថ្ងៃទី៥) នៅមណ្ឌលសុខភាពអណ្ដូងទឹក ស្ថិតនៅភូមិអណ្ដូងទឹកឃុំអណ្ដូងទឹក ស្រុកបូទុមសាគរ ខេត្តកោះកុង។ បន្ទាប់ពីនេះ លោកអភិបាលស្រុក បានណែនាំដល់កុមារា កុមារី ដែលទទួលការចាក់វ៉ាក់សាំងរួចហេីយ ត្រូវអនុវត្តឱ្យបានខ្ជាប់ខ្ជួន តាមការណែនាំរបស់លោកគ្រូ អ្នកគ្រូពេទ្យ និងត្រូវអនុវត្តតាមការណែនាំរបស់រាជរដ្ឋាភិបាល និងក្រសួងសុខាភិបាល
“រស់នៅធម្មតា តាមបែបគន្លងថ្មី” និង
" ៣កុំ ៣ការពារ ២ចូលរួម"៖

៣ការពារ ៖លាងដៃ ពាក់ម៉ាស់ រក្សាគម្លាត ។
៣កុំ ៖ កុំទៅកន្លែងមនុស្សច្រើន កុំនៅកន្លែងបិទជិត កុំប៉ះពាល់គ្នា”។
-២ចូលរួម៖ ចូលរួមស្កេនកូដទីតាំងទប់ស្កាត់កូវី១៩ ចូលរួមវាក់សាំងការពារកូវីដ១៩។