រដ្ឋបាលខេត្តកោះកុង

លោក ឃឹម ច័ន្ទឌី អភិបាលរង នៃគណៈអភិបាលខេត្ត និងជាប្រធានអនុគណ:កម្មការគ្រប់គ្រង និងចាត់ចែងសាកសពកូវីដ-១៩ខេត្ត តំណាងដ៏ខ្ពង់ខ្ពស់លោកជំទាវអភិបាលខេត្ត បានដឹកនាំកិច្ចប្រជុំ សមាជិក សមាជិកា ដើម្បីពិភាក្សាលើរបៀបវារ: ដូចខាងក្រោម ÷

១.តម្រូវការ នៃការបូជាសព រួមមាន÷
-ការសាងសង់ឈាបនដ្ឋាន
-ការរៀបចំទីបញ្ចុះសពសាសនិកឥស្លាម
-ការរៀបចំធ្វើមឈូស និងកោដ្ឋ
២.បញ្ហាផ្សេងៗ
-ការផ្សព្វផ្សាយលិខិតណែនាំសុខាភិបាលពាក់ព័ន្ធ
-ការពិភាក្សាការរៀបចំក្តារមឈូសជាមួយមន្ទីរបរិស្ថានខេត្ត

ជាលទ្ធផល កិច្ចប្រជុំបានពិភាក្សាយ៉ាងផុលផុស ដោយទទួលបាននូវធាតុចូលពាក់ព័ន្ធ ក្នុងដំណើរការអនុវត្តតួនាទីភារកិច្ចរបស់អនុគណ:កម្មការនេះ។

ក្នុងឱកាសនោះ លោកអភិបាលរងខេត្ត បានស្នើឲ្យអាជ្ញាធរស្រុក សមត្ថកិច្ចពាក់ព័ន្ធ សមាជិក សមាជិកា បន្តពង្រឹងការអនុវត្តតួនាទីភារកិច្ច ដែលមានចែងក្នុងដីកា ស្តីពីការបង្កើតគណ:កម្មការប្រយុទ្ធនឹងជំងឺកូវីដ-១៩ខេត្តកោះកុង ឲ្យមានប្រសិទ្ធភាព និងឈរលើស្មារតីទទួលខុសត្រូវខ្ពស់៕