រដ្ឋបាលខេត្តកោះកុង

ថ្ងៃអង្គារ ៦កើត ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៥ ខែមិថុនា ឆ្នាំ២០២១

លោក អុី ម៉េងលាង ប្រធានមន្ទីរ និងជាប្រធានគ្រប់គ្រងអនុកម្មវិធី ASPIRE ខេត្តកោះកុង  បានអញ្ជើញជាអធិបតីបើកវគ្គបណ្តុះបណ្តាលស្តីពី បច្ចេកទេសដាំបន្លែនៅក្នុងផ្ទះសំណាញ់ ជូនដល់មន្ត្រី ភ្នាក់ងារផ្សព្វផ្សាយឃុំ និងកសិករទទួលបានផ្ទះសំណាញ់ ដោយមានការចូលរួមសម្របសម្រួលពីអ្នកបច្ចេកទេសមកពីក្រុមហ៊ុន ត្រូពិចខេម អីរីហ្គេសិន សូលូសិន (Topicam Irrigation Solution Co.,LTD) ដែលមានអ្នកចូលរួមចំនួន ១៥នាក់ ស្រី ០៣នាក់ នៅសាលប្រជុំមន្ទីរកសិកម្ម រុក្ខាប្រមាញ់ និងនេសាទខេត្តកោះកុង។

ប្រធានបទសំខាន់ៗដែលលើកយកមកពិភាក្សារួមមានដូចខាងក្រោម៖

• អត្ថប្រយោជន៍នៃផ្ទះសំណាញ់
• ប្រភេទដំណាំដែលត្រូវដាំក្នុងផ្ទះសំណាញ់
• បច្ចេកទេសរៀបចំដី និងលើករង
• ការជ្រើសរើសពូជ
• វិធីសាស្ត្រដាំដុះ
• ការថែទាំដំណាំ
• វិធីសាស្ត្រលាយដីបណ្តុះកូនបន្លែ
• ការប្រើប្រាស់ម៉ូទ័របូមទឹកដើរដោយប្រព័ន្ធព្រះអាទិត្យ
• បច្ចេកទេសលាយ និងដាក់ជីតាមដំណាក់កាលនីមួយៗ ។