លោក ជា ស៊ីវត្រា អនុប្រធានមន្ទីរផែនការខេត្តបាន ដឹកនាំក្រុមការងារបច្ចេកទេស សហការសម្របសម្រួលជាមួយការិយាល័យគាំទ្រឃុំសង្កាត់ ចុះតាមដានត្រួតពិនិត្យដំណើរការធ្វើបច្ចុប្បន្នភាពអត្តញ្ញាណកម្មគ្រួសារក្រីក្រតាមការស្នើសុំ ឆ្នាំ២០២១ នៅឃុំប៉ាក់ខ្លង និងឃុំពាមក្រសោប ស្រុកមណ្ឌលសីមា ខេត្តកោះកុង
ថ្ងៃចន្ទ ៥កើត ខែបឋមសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ១៤ ខែ មិថុនា ឆ្នាំ២០២១ (ស្រុកមណ្ឌលសីមា)
លោក ជា ស៊ីវត្រា អនុប្រធានមន្ទីរផែនការខេត្តបាន ដឹកនាំក្រុមការងារបច្ចេកទេស ដោយសហការសម្របសម្រួលជាមួយការិយាល័យគាំទ្រឃុំសង្កាត់ ចុះតាមដានត្រួតពិនិត្យដំណើរការធ្វើបច្ចុប្បន្នភាពអត្តញ្ញាណកម្មគ្រួសារក្រីក្រតាមការស្នើសុំ ឆ្នាំ២០២១ នៅឃុំប៉ាក់ខ្លង និងឃុំពាមក្រសោប ស្រុកមណ្ឌលសីមា ខេត្តកោះកុងដោយបានពិភាក្សាលើកិច្ចការងារមួយចំនួនដូចខាងក្រោម៖
១.ការសម្ភាសន៍គ្រួសារក្រីក្រតាមការស្នើសុំ តាមបណ្តាភូមិ ដោយប្រើប្រាស់តាប្លេត(App OD-IDPoor)
២.របាយការណ៍វឌ្ឍភាពការងារ OD-IDPoor ប្រចាំខែមិថុនា
៣.ជម្រុញការអនុវត្តការងារផ្តល់ប័ណ្ណសមធម៌(ប័ណ្ណក្រីក្រ)ជូនប្រជាពលរដ្ឋអោយបានទាន់ពេលវេលា
៤.ដំណើរការរៀបចំបញ្ជីគ្រួសារគោលដៅ ដែលត្រូវសម្ភាសន៍ (គ្រួសារនៅតំបន់បិទខ្ទប់ គ្រួសារមានសមាជិកកើតឬស្លាប់ ដោយសារជំងឺកូវីដ-១៩)
៥.ដោះស្រាយបញ្ហាប្រឈម និងសំណូមពរនានា នៅលើប្រព័ន្ធតាប្លេត ។
