០៨/មិថុនា/២០២១ វេលាម៉ោង ២:០០នាទី រសៀល
=======================
លោក សាង ស៊ីណេត អភិបាលរង នៃគណៈអភិបាលស្រុក បានដឹកនាំក្រុមការងារស្រុក បានចូលរួមពិនិត្យ និងផ្តល់បទសម្ភាសន៍ ជាមួយភ្នាក់ងារសារព័ត៌មាន នៃប៉ុស្ត៍ទូរទស្សន៍CNC ប្រចាំខេត្តកោះកុង ដើម្បីពិនិត្យមើលទៅលើការធ្វើវារីវប្បកម្មរបស់ប្រជាពលរដ្ឋនៅចំនុចភូមិខ្មែរឥស្លាម ដែលគាត់បានចិញ្ចឹមមាន់ ទា ក្ងាន់ ជាពិសេសការចិញ្ចឹមត្រីប្រា និងត្រីពោ ស្ថិតនៅភូមិអណ្តូងទឹក ឃុំអណ្តូងទឹក ស្រុកបូទុមសាគរ ។
ដោយសង្កេតឃើញថា ប្រជាកសិករមានការរីករាយជាខ្លាំងនូវការទទួលបានទិន្នផលខ្ពស់ពីការចិញ្ចឹមត្រីរបស់គាត់ ដែលបានធ្វើអោយជីវភាពក្នុងសហគមន៍ និងតាមគ្រួសារបានបង្កើននូវចំណូលបន្ថែមទៀត ហើយជាមុខរបរមួយដែលនៅជិតផ្ទះ មិនពិបាកទៅប្រកបរបរនៅទីឆ្ងាយ ។
លោក អភិបាលរង មានសេចក្តីសោមនស្សជាខ្លាំង ពេលឃើញប្រជាកសិករទទួលបានទិន្នផលបានច្រើន លោកអភិបាលរងបាន ផ្តាំផ្ញើរ និងបានលើកទឹកចិត្តបន្ថែមទៀតទៅកាន់សហគមន៍ និងបងប្អូនប្រជាពលរដ្ឋដែលប្របករបរវារីវប្បកម្មនេះអោយខិតខំបន្តទៀត និងជួយចែករំលែកបទពិសោធន៍ដល់ប្រជាពលរដ្ឋដដែរទៀតផង ។
ប្រភពៈរដ្ឋបាលស្រុកបូទុមសាគរ
======================
ថ្ងៃអង្គារ ១៣ រោច ខែជេស្ឋ ឆ្នាំឆ្លូវ
ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី៨ ខែមិថុនា ឆ្នាំ២០២១
ថ្ងៃនេះ ជាថ្ងៃកោរ
June 8, 2021
