លោក សាង ស៊ីណេត អភិបាលរងស្រុក ជាប្រធានក្រុមការងារស្រាវជ្រាវ ជំងឺកូវីដ -១៩ ស្រុកបូទុមសាគរ បានដឹកនាំក្រុមការងារស្រាវជ្រាវកូវីដ១៩ស្រុក សហការជាមួយមណ្ឌលសុខភាពអណ្ដូងទឹក រដ្ឋបាលឃុំអណ្ដូងទឹកមេភូមិជីមាល និងប៉ុស្ដិ៍រដ្ឋបាលបានចុះសាកសួរយកព័ត៌មានមួយចំនួននៅកន្លែងយានដ្ឋានជួសជុលរថយន្ត និងលាងរថយន្តម្ដុំអូរម្កាក់ ស្ថិតនៅភូមិជីមាល ដែលកាលពីថ្ងៃទី០៩ ខែឧសភា
ថ្ងៃទី១៧ ខែឧសភា ឆ្នាំ២០២១ វេលាម៉ោង ៩:០០នាទីព្រឹក
=========================
យោងតាមរបាយការណ៍របស់ក្រុមការងារស្រាវជ្រាវកូវីដ១៩ និងបុគ្គលដែលមានការសង្ស័យមានការឆ្លងកូវិដ១៩ខេត្ត ។
លោក សាង ស៊ីណេត អភិបាលរងស្រុក ជាប្រធានក្រុមការងារស្រាវជ្រាវ ជំងឺកូវីដ -១៩ ស្រុកបូទុមសាគរ បានដឹកនាំក្រុមការងារស្រាវជ្រាវកូវីដ១៩ស្រុក សហការជាមួយមណ្ឌលសុខភាពអណ្ដូងទឹក រដ្ឋបាលឃុំអណ្ដូងទឹកមេភូមិជីមាល និងប៉ុស្ដិ៍រដ្ឋបាលបានចុះសាកសួរយកព័ត៌មានមួយចំនួននៅកន្លែងយានដ្ឋានជួសជុលរថយន្ត និងលាងរថយន្តម្ដុំអូរម្កាក់ ស្ថិតនៅភូមិជីមាលដែលកាលពីថ្ងៃទី០៩ ខែឧសភា កន្លងទៅមានបុរសពីនាក់បានធ្វើដំណើទិសដៅចេញសង្កាត់វាលរេញ ខេត្តព្រះសីហនុឆ្ពោះទៅទីរួមខេត្តកោះកុង តាមរថយន្តផ្ទាល់ខ្លួន ម៉ាកព្រូស ពណ៌ផ្ទៃមេឃ ក្នុងរថយន្តមានមនុស្សចំនួន ០២នាក់ ដែលមានវិជ្ជមានជំងឺកូវីដ១៩ក្រោយពីបានរកឃើញនៅខេត្តបៃលីននៅថ្ងៃទី១៥ ខែឧសភា ថ្មីៗនេះ បានចូលកន្លែងលាងឡាន និងលក់កង់រថយន្តឈ្មោះមេសា(ហៅតាពឿន) នៅជិតវិថីសាយភូថង ភូមិជីមាល ឃុំអណ្ដូងទឹក ស្រុកបូទុមសាគរ ខេត្តកោះកុង ។
ក្រុមការងារបានចុះធ្វើការណែនាំទៅដល់ម្ចាស់យានដ្ឋានឱ្យអនុវត្តវិធានការសុខាភិបាល ជាពិសេសអនុសាសន៍របស់សម្តេចតេជោ ៣ការពារ ៣កុំតាមការណែនាំរបស់រាជរដ្ឋាភិបាល ព្រមទាំងណែនាំអោយតាមដានសុខភាពរបស់ក្រុមគ្រួសារ បើមានអាការៈមិនស្រួលត្រូវរាយការណ៍បន្ទាន់មកអាជ្ញាធរភូមិឃុំ និងស្រុកដើម្បីមានវិធានការណ៍បានទាន់ពេលវេលា ។
ប្រភពៈរដ្ឋបាលស្រុកបូទុមសាគរ
=======================
ថ្ងៃចន្ទ ៦ កើត ខែជេស្ឋ ឆ្នាំឆ្លូវ
ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី១៧ ខែឧសភា ឆ្នាំ២០២១
May 17, 2021
