ថ្ងៃសៅរ៍ ៦កើត ខែពិសាខ ឆ្នាំឆ្លូវ ត្រីស័ក ព.ស២៥៦៤ ត្រូវនឹងថ្ងៃទី១៧ ខែមេសា ឆ្នាំ២០២១ ក្រុមការងារមន្ទីរពាណិជ្ជកម្មខេត្តកោះកុង ដឹកនាំដោយលោក ឃី វុធ អនុប្រធានមន្ទីរ បានសហការជាមួយមន្ត្រីសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) ខេត្តកោះកុង បានចុះស្រង់ថ្លៃទំនិញសំខាន់ៗចាំបាច់សម្រាប់ជីវភាពប្រចាំ នៅផ្សារដងទង់ ក្រុងខេមរភូមិន្ទ។ ជាលទ្ធផលក្រុមការងារបានពិនិត្យឃើញថា អាជីវករនៅផ្សារដងទង់ ពុំបានតម្លើងថ្លៃហួសហេតុខុសប្រក្រតីទេ។ រីឯសកម្មភាពលក់ដូរនៅដំណើរការជាធម្មតា និងមានទំនិញផ្គត់ផ្គង់ ដើម្បីធានាដល់សន្តិសុខស្បៀងគោល សំរាប់អ្នកប្រើប្រាស់ក្នុងខេត្ត។
មន្ទីរពាណិជ្ជកម្មខេត្តកោះកុង សូមអំពាវនាវដល់បងប្អូនអាជីវករក្នុងខេត្តទាំងអស់ មេត្តាកុំលក់តម្លើងថ្លៃហួសហេតុខុសប្រក្រតី ជាពិសេសចំពោះទំនិញចាំបាច់សម្រាប់ជីវភាពប្រចាំថ្ងៃ។
សូមអរគុណ សម្រាប់ការចូលរួមជាមួយរាជរដ្ឋាភិបាល ប្រយុទ្ធប្រឆាំងការរាតត្បាតមេរោគកូវីឌ១៩។ សូមមេត្តាកុំចេញពីផ្ទះបើមិនចាំបាច់ និងប្រកាន់យកវិធានការ ៣កុំ ៣ការពារ។
