លោក ពុំ ធឿន មេឃុំជ្រោយប្រស់ បានដឹកនាំក្រុមការងារឃុំចុះបិទនូវសេចក្តីជូនដំណឹងស្តីពីការផ្អាកលក់គ្រឿងស្រវឹងរយៈពេល១៤ថ្ងៃ របស់រដ្ឋបាលខេត្តកោះកុង នៅក្នុងមូលដ្ឋានឃុំ
ស្រុកកោះកុង: រដ្ឋបាលឃុំជ្រោយប្រស់ ថ្ងៃសៅរ៍ ៦កើត ខែពិសាខ ឆ្នាំឆ្លូវ ត្រីស័ក ពុទ្ធសករាជ ២៥៦៤ ត្រូវនឹងថ្ងៃទី១៧ ខែមេសា ឆ្នាំ២០២១ លោក ពុំ ធឿន មេឃុំ បានដឹកនាំសមាជិកក្រុមប្រឹក្សាឃុំ កម្លាំងប៉ុស្តិ៍នគរបាលរដ្ឋបាលឃុំ អាជ្ញាធរភូមិ ចុះធ្វើការផ្សព្វផ្សាយជូនដល់អាជីវករ នូវសេចក្តីជូនដំណឹងរបស់រដ្ឋបាលខេត្តកោះកុង ស្តីពីការផ្អាកលក់គ្រឿងស្រវឹងគ្រប់ប្រភេទ និងហាមឃាត់ការបង្កើតកម្មវិធីជួបជុំសប្បាយគ្រប់ទីកន្លែងក្នុងមូលដ្ឋានឃុំរយៈពេល១៤ថ្ងៃ និងបញ្ឈប់ការផ្តល់សេវាក្នុងវិស័យដឹកជញ្ជូន គិតចាប់ពីថ្ងៃទី១៥ ដល់ថ្ងៃទី២៨ ខែមេសា ឆ្នាំ២០២១ ។
ប្រភព: សន សេង
