ព្រះធម្មានុរ័ក្ខបាល លី វិចិត្រ ព្រះរាជាគណៈថ្នាក់កិត្តិយស គណៈមហានិកាយ នៃព្រះរាជាណាចក្រកម្ពុជា ព្រះបាឡាត់គណខេត្តកោះកុង ព្រះចៅអធិការវត្តសាមគ្គីគិរីទ័ពជាង និងជាព្រះប្រធាន ដឹកនាំបងប្អូនសិស្ស និស្សិត បញ្ញវន្ត ក្មេងវត្ត អនុសាខាស្រុកស្រែអំបិល និងញោមញាតិសប្បុរសជនផ្សារក្រោម បាននិមន្ត និងអញ្ជើញ ចុះសួរសុខទុក្ខបងប្អូនក្រុមការងារចំពោះកិច្ចលើការត្រួតពិនិត្យដំណើរចេញចូលច្រកស្រុកស្រែអំបិល ខេត្តកោះកុង និងស្រុកកំពង់សិលា ខេត្តព្រះសីហនុ ដើម្បីពង្រឹងការការពារទប់ស្កាត់ការរីករាលដាលនៃជំងឺកូវីដ-១៩។ ក្នុងនោះក៏បាននាំយកសម្ភារតិចតួច និងនំបញ្ចុកសម្លការី ឧបត្ថម្ភដល់បងប្អូនដែលប្រចាំការនៅចំនុចគោលដៅត្រួតពិនិត្យផងដែរ។