០៩/មេសា/២០២១
===================
រដ្ឋបាលស្រុកបូទុមសាគរ បានផ្តល់អំពូល សូឡាដើរដោយថាមពលពន្លឺព្រះអាទិត្យចំនួន ៥០ អំពូល ជូនរដ្ឋបាលឃុំកណ្តោល ដើម្បីរួមចំណែកអភិវឌ្ឍន៍ និងរក្សាសន្តិសុខសណ្តាប់ធ្នាប់ពេលរាត្រីជូនប្រជាពលរដ្ឋក្នុងមូលដ្ឋានឃុំកណ្តោល។
ឆ្លើយតបតម្រូវការចង់បានរបស់ប្រជាពលរដ្ឋ និងជាការចូលរួមចំណែកអភិវឌ្ឍន៍មូលដ្ឋានស្រុកកាន់តែរីកចម្រើនទៅមុខ អំពូលសូឡា៥០អំពូល គឺត្រូវបានលោក ហាក់ ឡេង បានប្រគល់ជូនរដ្ឋបាលឃុំកណ្តោល ដើម្បីបែងចែកដំឡើងទៅតាមភូមិជូនពលរដ្ឋ។
ក្រោយការទទួលសម្ភារៈអំពូលសូឡា លោក ឆឹង ង៉ែ មេឃុំកណ្តោល សម្តែងការអរគុណចំពោះតំណាងសប្បុរសជននានាពីទឹកចិត្តចូលរួមអភិឌ្ឍន៍មូលដ្ឋានឃុំរបស់លោកឲ្យកាន់តែរីកចម្រើន តាមរយៈរស់នៅដោយភាពសុខសាន្ត។ អំពូលភ្លើងសូឡាចំនួន៥០ គ្រឿង យកទៅបំពាក់នៅក្នុងភូមិតាំកន់ ភូមិកណ្តោល និងភូមិប្រលាន ឃុំកណ្តោល ស្រុកបូទុមសាគរ ខេត្តកោះកុង។
សង្ឃឹមថាបងប្អូនសប្បុរសជនជិតឆ្ងាយ និងជួយឧបត្ថម្ភបន្ថែមថែមទៀត ដើម្បីជាសោភ័ណ្ឌភាពភូមិ -ឃុំស្រស់ស្អាត និងមានសុខសុវត្ថិភាព។
ប្រភពៈរដ្ឋបាលស្រុកបូទុមសាគរ
----------------------------------
ថ្ងៃសុក្រ ១២ រោច ខែចេត្រ ឆ្នាំជូត
ទោស័ក ពុទ្ធសករាជ ២៥៦៤
ត្រូវនឹងថ្ងៃទី៩ ខែមេសា ឆ្នាំ២០២១
April 9, 2021
