លោក សុខ សុទ្ធី អភិបាលរងខេត្តដោយមានការណែនាំពីលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានដឹកនាំកិច្ចប្រជុំជាមួយមន្ទីរជំនាញ រួមមានមន្ទីរបរិស្ថាន មន្ទីររៀបចំដែនដី នគរូបនីយកម្ម សំណង់ និងសុរិយោដី និងរដ្ឋបាលស្រុកមណ្ឌលសីមា រដ្ឋបាលឃុំទួលគគីរ ពាក់ព័ន្ធនឹង ករណីលោកស្រី លាង ហ៊ីម ចាក់អាចម៍ដីរំលោភចូលដីរដ្ឋស្ថិតនៅភូមិទួលគគីក្រោម ឃុំទួលគគីរ ស្រុកមណ្ឌលសីមា។ គោលបំណង នៃកិច្ចប្រជុំនេះគឺ ដើម្បីបង្ហាញពីទីតាំងដែលលោកស្រី លាង ហ៊ីម បានចាក់អាចម៍ដី និង ពិភាក្សា រក វិធានការដោះស្រាយករណី។
ប្រភព៖ ទីចាត់ការអន្តរវិស័យសាលាខេត្តកោះកុង
