ខេត្តកោះកុង :

ការវាយជួងរគាំងនិងទូងស្គរ

ដើម្បីបណ្តេញជំងឺអាសន្នរោគឧបទ្រុបចង្រៃ

នៅក្នុងវត្តទេពនិមិត្ត (ហៅវត្តថ្មី) ម៉ោង8:00នាយប់ថ្ងៃទី ២៤ ខែមិនា ឆ្នាំ២០២១

      មន្ទីរ​ ធម្មការ​ និង​សាសនា​ខេត្តកោះកុង​ ដឹកនាំដោយលោក អ៊ូច​ ទូច ប្រធានមន្ទីរ និងព្រះលក្ខណ៍ មុនី​ វង្ស​ ពិជ័យ​ ព្រះរាជាគណ:ថ្នាក់កិត្តិយស​ ព្រះសមុទ្ទគង្គាមុនីព្រះមេគណធម្មយុត្ត ខេត្តកោះកុង​ និងជាព្រះចៅអធិការវត្តទេពនិមិត្តហៅវត្តថ្មី 

    បានរៀបចំពិធី​ ដើម្បីឆ្លើយតបទៅនឹងសារាចរណែនាំរបស់ក្រសួងធម្មការ និងសាសនា ស្តីពី ការវាយ គង ជួង រគាំង ទូងស្គរ តាមវត្តអារាមដើម្បីចូលរួមទប់ស្កាត់ការរាលដាលនៃជំងឺកូវីដ-១៩ ក្នុងសហគមន៍ នៃព្រឹត្តិការណ៍ ២០កុម្ភៈ និងយោងតាមអនុសាសន៍ណែនាំដ៏ខ្ពង់ខ្ពស់របស់សម្តេចអគ្គមហាសេនាធិបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ឱ្យវាយគង ជួង រគាំង ទូងស្គរ គ្រប់វត្តអារាមទាំងអស់ ជាសញ្ញាផ្សព្វផ្សាយព័ត៌មាន ដល់ប្រជាពលរដ្ឋ ប្រជាពុទ្ធពុទ្ធបរិស័ទ ឱ្យបង្កើនការប្រុងប្រយ័ត្ន ដោយអនុវត្តន៍នូវវិធានការ « ៣ការពារ» និង«៣កុំ» របស់ប្រមុខរាជរដ្ឋាភិបាល និងតាមការណែនាំរបស់ក្រសួងសុខាភិបាល រហូតដល់ចប់ព្រឹត្តិការណ៍ ២០កុម្ភៈ ឱ្យបាន៥ដង ក្នុង១ថ្ងៃ ។

     អាស្រ័យដូចបានជម្រាបខាងលើនេះ សូមព្រះថេរានុថេរៈគ្រប់ព្រះអង្គ និងញាតិញោមប្រជាពលរដ្ឋទាំងឡាយជ្រាបជាព័ត៌មាន និងបង្កើនការប្រុងប្រយ័ត្នទាំងអស់គ្នា ។

សូមអរព្រះគុណ និងសូមអរគុណ!