ថ្ងៃពុធ ទី២៤ ខែមីនា ឆ្នាំ២០២១ មន្ទីរពាណិជ្ជកម្មខេត្តកោះកុង បានបើកកិច្ចប្រជុំបូកសរុបការងារប្រចាំខែមីនា និងទិសដៅប្រចាំខែមេសា ដឹកនាំដោយ លោក សាលីម ហ្វារីត ប្រធានមន្ទីរពាណិជ្ជកម្មខេត្ត នៅបន្ទប់ប្រជុំរបស់មន្ទីរ ។ ខ្លឹមសារនៃកិច្ចប្រជុំ គឺការធ្វើសេចក្តីរាយការណ៍ពីលទ្ធផលការងារនៅតាមការិយាល័យនីមួយៗ និងពិភាក្សាអំពីការងារបន្តនៅក្នុងខែមេសាខាងមុខនេះ ។ ជាចុងបញ្ចប់នៃកិច្ចប្រជុំ លោក សាលីម ហ្វារីត ប្រធានមន្ទីរ ក៏បានរំលឹកបន្ថែមនូវ ការការពារ និងការប្រុងប្រយ័ត្នខ្ពស់ចំពោះ ជម្ងឺដ៏កាចសាហាវ កូវីដ-១៩ ដល់មន្រ្តីរាជការ​ និងមន្ត្រីជាប់កិច្ចសន្យាទាំងអស់ផងដែរ។ សូមអរគុណ!