Linna Chor, [12.03.21 15:35]

លោក យក់ សង្វាត ប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្តកោះកុង បានបើកកិច្ចប្រជុំពិភាក្សាស្ដីពីការពង្រឹងវិន័យដែលអនុវត្តតាមច្បាប់សហលក្ខន្តិកៈមន្រ្តីរាជការស៊ីវិល ដោយមានការចូលរួមពីលោក ជឹម ម៉ុន នាយកមជ្ឈមណ្ឌល និងអ្នកអង្គម្ចាស់ បណ្ឌិត ស៊ីសុវត្ថិ ឫទ្ធីរ៉ាវង្ស នាយករងមជ្ឈមណ្ឌលបណ្ដុះបណ្ដាលវិជ្ជាជីវៈ។

ក្នុងកិច្ចប្រជុំនេះលោកប្រធានមន្ទីរ លោកនាយក និងលោកនាយករង បានពិភាក្សាពីស្ថានភាពនៃ ការអនុវត្តការងារនិងការគោរពវិន័យរបស់មន្ត្រីរាជការ លោកគ្រូ អ្នកគ្រូ ហើយត្រូវចាត់វិធានការណ៍ចំពោះមន្រ្តីអសកម្មការងារស្របតាមច្បាប់សហលក្ខន្តិកៈមន្ត្រីរាជការស៊ីវិល។

ឆ្លៀតក្នុងឱកាសនោះ លោកប្រធាន ក៏បានផ្ដាំផ្ញើដល់លោកនាយក និងលោកនាយករងមជ្ឈមណ្ឌល ត្រូវផ្សព្វផ្សាយបន្ថែមជូនដល់លោកគ្រូ អ្នកគ្រូ ពីការបង្ការ និងទប់ស្កាត់ដោយប្រុងប្រយ័ត្ននូវការឆ្លងជំងឺកូវីដ១៩ ដែលពាក់ព័ន្ធនឹងព្រឹត្តិការណ៍សហគមន៍២០កុម្ភៈ ជាពិសេសត្រូវគោរពអនុវត្តតាមវិធានការក្រសួងសុខាភិបាល និងវិធានការ ៣ការពារ✅ និង ៣កុំ❌ ។

ថ្ងៃសុក្រ ១៤រោច ខែផល្គុន ឆ្នាំជូត ទោស័ក ព.ស.២៥៦៤
ត្រូវនឹងថ្ងៃទី១២ ខែមីនា ឆ្នាំ២០២១