រដ្ឋបាលខេត្តកោះកុង

ស្រុកកោះកុង: រដ្ឋបាលឃុំជ្រោយប្រស់ នៅថ្ងៃព្រហស្បតិ៍ ១៣រោច ខែផល្គុន ឆ្នាំជូត ទោស័ក ព.ស.២៥៦៤ ត្រូវនឹងថ្ងៃ ១១ ខែមិនា ឆ្នាំ២០២១ វេលាម៉ោង ៨នឹង៣០នាទីព្រឹក លោក ពុំ ធឿន មេឃុំជ្រោយប្រស់ បានដឹកនាំក្រុមប្រឹក្សាឃុំ មេភូមិ ប៉ុសិ៍្តរដ្ឋបាលឃុំ ចុះផ្សព្វផ្សាយសេចក្តីជូនដំណឹងរបស់រដ្ឋបាលស្រុកកោះកុងស្តីពីការផ្អាកជាបណ្តោះអាសន្នកម្មវិធីរៀបអាពាហ៍ពិពាហ៍ នឹងកម្មវិធីផ្សេងៗ និងការចាក់ធុងបាសផ្សព្វផ្សាយស្តីពីការការពារនិងការទប់ស្កាត់ការរីករាលដាលនៃជំងឺកូវីដ-១៩ ជូនដល់បងប្អូនប្រជាពលរដ្ឋ នៅក្នុងឃុំ។ ក្នុងការចុះផ្សព្វផ្សាយនេះ លោកមេឃុំ ក៏បានណែនាំបន្ថែមថា: ថ្មីៗនេះ ជំងឺកូវីដ-១៩ កំពុងរីករាលដាលយ៉ាងខ្លាំងក្នុងប្រទេសកម្ពុជារបស់យើង ដូចនេះ យើងត្រូវអនុវត្តន៍អោយបានខ្ជាប់ខ្ជួននូវវិធានការថ្មីៗតាមការណែនាំរបស់ក្រសួងសុខាភិបាល និងរាជរដ្ឋាភិបាល ដែលបានដាក់ចេញ ជាពិសេសត្រូវអនុវត្តនូវវិធានការ ៣ការពារ និង៣កុំ អោយបានល្អប្រសើរជានិច្ច។

ប្រភព: សន សេង