ថ្ងៃពុធ ១៣រោច ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១០ ខែកុម្ភៈ ឆ្នាំ២០២១ វេលាម៉ោង១៤:០០នាទីរសៀល រដ្ឋបាលស្រុកមណ្ឌលសីមា ដឹកនាំដោយលោកស្រី រិន្ទ សោភាភ័ក្រ្ត អភិបាលរង នៃគណៈអភិបាលស្រុក បានប្រជុំពិភាក្សា ជាមួយអង្គការដៃគូរអភិវឌ្ឍន៍ជនបទ (PRD) ដើម្បីជួបពិភាក្សា និងស្រង់ទិន្នន័យ ព័ត៌មានបឋម ទាក់ទងទៅនឹងការងារអភិវឌ្ឍន៍សហគមន៍នៅមូលដ្ឋាន នៅស្រុកមណ្ឌលសីមា ។
កិច្ចប្រជុំនោះមានវត្តមាន លោកស្រីនាយករងរដ្ឋបាល លោកស្រីប្រធានការិយាល័យរដ្ឋបាល និងហិរញ្ញវត្ថុស្រុក លោកប្រធានការិយាល័យ អប់រំ យុវជន និងកីឡាស្រុក និងលោកប្រធានការិយាល័យផែនការស្រុក ធ្វើឡើងនៅសាលប្រជុំសាលាស្រុកមណ្ឌលសីមា ។
