លោកស្រី ជា សុវណ្ណាលែន អញ្ជើញចូលរួមជាគ្មិនក្នុងកិច្ចប្រជុំផ្សព្វផ្សាយ ស្ដីពីការផ្ដល់សេវាសាធារណៈ នៅការិយាល័យច្រកចេញចូលតែមួយរបស់រដ្ឋស្រុក
នៅព្រឹកថ្ងៃចន្ទ ៦រោច ខែមាឃ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី៤ ខែកុម្ភៈ ឆ្នាំ២០២១ លោកស្រី ជា សុវណ្ណាលែន អនុប្រធានការិយាល័យ បានចូលរួមជាវាគ្មិនក្នុងកិច្ចប្រជុំផ្សព្វផ្សាយ ស្ដីពីការផ្ដល់សេវាសាធារណៈ នៅការិយាល័យច្រកចេញចូលតែមួយរបស់រដ្ឋបាលស្រុក ក្រោមអធិបតីភាព លោក ឃុត មាន អភិបាលរងស្រុក លោក ពេជ្រឆាលូយ ប្រធានក្រុមប្រឹក្សាស្រុក លោកមេភូមិ មេឃុំ ប្រជាពលរដ្ឋ អាជីវករ និងមន្រ្តីជំនាញអង្គភាពជុំវិញខេត្ត ប្រមាណ១០០នាក់។ កិច្ចប្រជុំផ្ដោតសំខាន់ទៅលើការផ្សព្វផ្សាយឱ្យអាជីវករ មកសុំសេវាសាធារណៈ និងប្រកបអាជីវកម្មដោយស្របច្បាប់ ទៅតាមនីតិវិធីរបស់រាជរដ្ឋាភិបាល។
