រដ្ឋបាលខេត្តកោះកុង

ថ្ងៃសុក្រ ៩កើត ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២២ ខែមករា ឆ្នាំ២០២១ វេលាម៉ោង៩:០០នាទីព្រឹក លោកស្រី លី មុន្នី នាយករងរដ្ឋបាលសាលាស្រុក បានចូលរួមកិច្ចប្រជុំ ពិភាក្សាលើការងារចងក្រងគ្រួសារ អ្នករត់ម៉ូតូឌុប ម៉ូតូកង់បី និងឡានឈ្នួយ(ឡាន់តាក់ស៊ី) ក្រោមអធិបតីភាពលោក ទូ សាវុធ អភិបាលរង នៃគណ:អភិបាលខេត្តកោះកុង នៅសាលប្រជុំ (ខ) សាលាខេត្តកោះកុង ។
គោលបំណង នៃគំនិតផ្តួចផ្តើមនេះ រួមមាន:
១-បង្កើនប្រសិទ្ធភាពក្នុងគ្រប់គ្រងរដ្ឋបាលដល់មន្ទីរ អង្គភាព អាជ្ញាធរមូលដ្ឋាន និងអ្នកពាក់ព័ន្ធ
២-ជួយលើកកម្ពស់ជីវភាព និងសុខុមាលភាព ដល់ក្រុមអ្នកផ្តល់សេវា
៣-ចូលរួមផ្សព្វផ្សាយ និងទប់ស្កាត់ការរីករាលដាលនៃជំងឺកូវីដ-១៩ ។