ស្រុកកោះកុង: រដ្ឋបាលឃុំកោះកាពិ ថ្ងៃអាទិត្យ៥រោច ខែបុស្ស ឆ្នាំជូតទោស័ក ព,ស ២៥៦៤ ត្រូវនឹងថ្ងៃទី០៣ ខែមករា ឆ្នាំ២០២១ ក្រោមការចាត់តាំងរបស់លោក ឃុន វណ្ណា មេឃុំ និងជាប្រធានក្រុមប្រឹក្សាឃុំកោះកាពិ សមាជិកក្រុមប្រឹក្សាឃុំបានបែងចែកគោលដៅតាមភូមិនីមួយៗ នៃឃុំកោះកាពិ ចុះដឹកនាំកម្លាំងប៉ុស្តិ៍រដ្ឋបាលឃុំ និងមេភូមិ ដោយសហការណ៍ជាមួយបុគ្គលិកប៉ុស្តិ៍សុខភាព និងកម្លាំងកងទ័ពជើង ទឹកមូលដ្ឋានសមុទ្រឈរជើងចំណុចឡាំដាំ និងកម្លាំងនគបាលការពារព្រំដែនទឹកប្រចាំឡាំដាំ បានបន្តចុះធ្វើការតាមដានប្រជាពលរដ្ឋចេញនិងចូល ពិសេសពលករដែលមកពីប្រទេសថៃចូលមកមូលដ្ឋានឃុំកោះកាពិ។ ជាលទ្ធផលក្រុមការងាររកឃើញថា មានពលករមកពីប្រទេសថៃចំនួន ០១គ្រួសារ ចូលមកភូមិកោះស្រឡៅ ក្នុងនោះរួមមានះ ១/ឈ្មោះ ប្រាក់ សាម៉ន ភេទ ប្រុស អាយុ៣៨ឆ្នាំ ត្រូវជាប្តី ២/ឈ្មោះ ខ្ចៅ សុផារី ភេទ ស្រី អាយុ៣៥ ឆ្នាំ ត្រូវជាប្រពន្ធ ៣/ឈ្មោះ ម៉ន ស្រីពៅ ភេទស្រី អាយុ ៣ ខែ ត្រូវជាកូនក្រោយការសាកសួរក្រុមការងារទទួលបានព័ត៌មានដូចខាងក្រោមៈ ពួកគាត់ទៅប្រទេសថៃរស់នៅក្នុងតំបន់ ឡាំកាត់ ខេត្តត្រាត នៃប្រទេសថៃដោយប្រកបរបរចាំចំការអោយគេ ហើយនៅថ្ងៃទី០២ ខែមករា ឆ្នាំ២០២១ ពួកគាត់បានធ្វើដំណើពីប្រទេសថៃចូលមកប្រទេសកម្ពុជាតាមច្រករបៀង(ច្រកខាវវង់)តាមរយៈមេខ្យល់ ហើយមកដល់ប្រទសកម្ពុជានៅម៉ោង ៨ និង ៣០ នាទីយប់ រួចជិះម៉ូតូឌុបបន្តដំណើមកបឹងកាយ៉ាកដើម្បីរកទូកជិះមកកោះស្រឡៅ មកដល់ភូមិកោះស្រឡៅនៅវេលាម៉ោង៩ និង៥០ នាទីយប់ ថ្ងៃទី០២ ខែ មករា ឆ្នាំ២០២១ ។ បច្ចុប្បន្មអាជ្ញាធរឃុំ បានធ្វើការណែនាំដល់ពួកគាត់ និងក្រុមគ្រួសារដែលគាត់បានមករស់នៅជាមួយ កុំអោយធ្វើដំណើចេញពីផ្ទះដោយអោយគាត់ធ្វើចត្តាឡីស័កនៅក្នុងផ្ទះរយៈពេល១៤ថ្ងៃនិងធ្វើអនាម័យខ្លួនប្រាណអោយបានញឹកញាប់និងត្រឹមត្រូវជាប្រចាំទៅតាមគោលការណ៍ណែនាំរបស់ក្រសួងសុខាភិបាល ហើយអាជ្ញាធរនឹងចុះតាមដានកម្តៅពួកគាត់ជារៀងរាល់ថ្ងៃក្នុងករណីសុខភាពពួកគាត់មានអាការៈមិនប្រក្រតីសង្ស័យត្រង់ចំណុចណាមួយ អាជ្ញាធរឃុំនិងរាយការណ៍ជូនរដ្ឋបាលស្រុកអោយបានទាន់ពេលវេលា ។
ប្រភព: សន សេង
