ថ្ងៃចន្ទ ៧កើត ខែបុស្ស ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២១ ខែធ្នូ ឆ្នាំ២០២០ វេលាម៉ោង ១០:០០នាទីព្រឹក លោក ប្រាក់ វិចិត្រ អភិបាលស្រុកមណ្ឌលសីមា បានអញ្ចើញដឹកនាំកិច្ច ប្រជុំពិភាក្សាស្តីពី វិធានបង្ការការពារទប់ស្កាត់ការរីករាលជំងឺកូវីដ-១៩ កិច្ចប្រជុំនេះមានការអញ្ជើញចូលរួមពីសំណាក់ លោកនាយករដ្ឋបាលសាលាស្រុក លោកអធិការនគរបាលស្រុក លោកមេបញ្ជាការកងរាជអាវុធហត្ថស្រុក និងលោក-លោកស្រីមេឃុំគ្រប់ឃុំ នៅសាលប្រជុំសាលាស្រុកមណ្ឌលសីមា ។
