កិច្ចប្រជុំពិភាក្សារៀបចំផែនការ ការពារ សន្តិសុខ សុវត្ថិភាព សណ្ដាប់ធ្នាប់សាធារណៈ ក្នុងឱកាសថ្ងៃឆ្លងឆ្នាំសកល២០២០
លោក សំឃិត វៀត អភិបាលរង នៃគណៈអភិបាលខេត្តកោះកុង បានដឹកនាំកិច្ចប្រជុំពិភាក្សារៀបចំផែនការ ការពារ សន្តិសុខ សុវត្ថិភាព សណ្ដាប់ធ្នាប់សាធារណៈ ក្នុងឱកាសថ្ងៃឆ្លងឆ្នាំសកល២០២០ ដោយមានការអញ្ជេីញចូលរួមពីសំណាកមេបញ្ជាការតំបន់ប្រតិបត្តិការសឹករងកោះកុង ស្នងការ នៃស្នងការដ្ឋាននគរបាលខេត្ត មេបញ្ជាការកងរាជអាវុធហត្ថខេត្ត លោកនាយករដ្ឋបាលសាលាខេត្ត និងមន្ត្រីជំនាញពាក់ព័ន្ធមួយចំនួនទៀត។
ថ្លែងក្នុងកិច្ចប្រជុំនេះ លោកអភិបាលរងខេត្ត បានមានប្រសាសន៍ថា ដេីម្បីការពារសន្តិសុខ សុវត្ថិភាព សណ្ដាប់ធ្នាប់សាធារណៈជូនប្រជាពលរដ្ឋ និងភ្ញៀវទេសចរជាតិ និងអន្តរជាតិក្នុងឱកាសថ្ងៃថ្ងៃឆ្លងឆ្នាំសកល២០២០ ខាងមុខនេះ ស្នើសុំសមាជិកអង្គប្រជុំទាំងអស់ចូលរួមពិនិត្យ និងកែសម្រួលបន្ថែមលេីខ្លឹមសារ នៃសេចក្តីណែនាំ ដែលក្រុមការងារបានរៀបចំឡេីង ជាពិសេសសូមចូលរួមលើកយោបល់អំពីផែនការការពារឱ្យបានល្អិតល្អន់ មុននឹងដាក់ជូនលោកជំទាវអភិបាលខេត្ត ចុះហត្ថលេខា និងនិងយកទៅអនុវត្តឱ្យមានប្រសិទ្ធភាព៕
