នៅថ្ងៃទី២៨ ខែ​វិច្ឆិកា​ ឆ្នាំ​២០២០ វេលាម៉ោង ៣:០០ នាទីរសៀល ក្រុមការងាររដ្ឋបាលស្រុកស្រែអំបិល អញ្ជើញចូលរួមក្នុងពិធីបុណ្យគម្រប់ខួប៧ថ្ងៃនៃមរណភាពលោក អ៊ុន ប៊ុនថា សមាជិកក្រុមប្រឹក្សាក្រុងខេមរភូមិន្ទ និងត្រូវជាឪពុករបស់ កញ្ញា អ៊ុន សុខឃាង មន្ត្រីការិយាល័យសង្គមកិច្ច និងសុខុមាលភាពសង្គម នៃរដ្ឋបាលស្រុកស្រែអំបិល និងបាននាំយកថវិកាចូលរួមបច្ច័យបុណ្យ សរុបចំនួន ១,៤៧០,០០០រៀល ស្ថិតនៅគេហដ្ឋាន សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។ ក្នុងនោះដែរ ក៏បាននាំយកបច្ច័យរបស់សាខាសមាគមសិស្សនិស្សិតបញ្ញវន្តក្មេងវត្តខេត្តកោះកុងចំនួន ២៣៥,០០០រៀល ដើម្បីចូលរួមក្នុងពិធីបុណ្យនេះផងដែរ។