ព្រះទីបធម្មាភិបាល លី វិចិត្រ ព្រះបាឡាត់គណខេត្តកោះកុង ព្រះព្រហ្មកេស ប៊ុន សាម ព្រះសមុហ៍ធរអនុគណស្រុកស្រែអំបិល និងលោក ជា ច័ន្ទកញ្ញា អភិបាល នៃគណៈអភិបាលស្រុកស្រែអំបិល បានដឹកនាំក្រុមការងារ ចុះសួរសុខទុក្ខ បងប្អូនប្រជាពលរដ្ឋ ដែលកំពុងសម្រាកព្យាបាលជំងឺនៅមន្ទីរពេទ្យបង្អែកស្រែអំបិល
នៅថ្ងៃទី២៨ ខែវិច្ឆិកា ឆ្នាំ២០២០ វេលាម៉ោង ១០:៣០ នាទីព្រឹក ព្រះទីបធម្មាភិបាល លី វិចិត្រ ព្រះបាឡាត់គណខេត្តកោះកុង និងជាព្រះចៅអធិការវត្តសាមគ្គីគិរីទ័ពជាង ព្រះព្រហ្មកេស ប៊ុន សាម ព្រះសមុហ៍ធរអនុគណស្រុកស្រែអំបិល និងជាព្រះចៅអធិការវត្តសិលារតនារាម (វត្តអង្គរភ្នំខ្លុង) និងលោក ជា ច័ន្ទកញ្ញា អភិបាល នៃគណៈអភិបាលស្រុកស្រែអំបិល បានដឹកនាំក្រុមការងារ ស.ស.យ.ក ស្រុក សមាជិក សមាជិការ សាខាសមាគមសិស្សនិស្សិតបញ្ញវន្តក្មេងវត្តខេត្តកោះកុង និងមានការចូលរួមពីកម្លាំងប្រដាប់អាវុធទាំង៣ប្រភេទ ចុះសួរសុខទុក្ខ និងនាំយកអំណោយឧបត្ថម្ភជូនបងប្អូនប្រជាពលរដ្ឋ ដែលកំពុងសម្រាកព្យាបាលជំងឺនៅមន្ទីរពេទ្យបង្អែកស្រែអំបិល ស្រុកស្រែអំបិល ខេត្តកោះកុង សរុបចំនួន ២៧នាក់ និងអ្នកអនាម័យមន្ទីរពេទ្យ ចំនួន ០៣នាក់ ក្នុងម្នាក់ទទួលបាន អង្ករ ១០គ.ក្រ មី ១០កញ្ចប់ ទឹកដោះគោខាប់ ០១កំប៉ុង ទឹកដោះគោឆៅ ០១ឡូ ទឹកផ្លែឈើ ០៤កំប៉ុង និងថវិកា ២០,០០០រៀល។ ក្នុងនោះដែរ សាខាសមាគមសិស្សនិស្សិតបញ្ញវន្តក្មេងវត្តខេត្តកោះកុង បានឧបត្ថម្ភសម្ភារៈមួយចំនួនជូនមន្ទីរពេទ្យបង្អែកស្រែអំបិល រួមមាន ម៉ាស់ ០៣ប្រអប់ ជែលលាងដៃ ១០ដប និងសាប៊ូលុច្ស ០១ដុំ។
